| | ᠬᠠᠴᠠᠷ ᠵᠦᠰᠦᠭᠰᠡᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢ᠂ ᠪᠤᠳᠤᠯ ᠢᠶᠠᠨ ᠴᠢᠩᠭᠠᠯᠠ | ᠬᠠᠶᠠ ᠪᠦᠳᠦᠷᠢᠵᠦ᠂ ᠬᠠᠶᠠ ᠰᠡᠬᠡᠳᠡᠭ ᠤᠨ ᠤᠴᠢᠷ ᠢ ᠤᠬᠠᠭᠠᠷᠠ | ᠬᠡᠨ ᠳᠤ ᠴᠦ ᠠᠯᠠᠭ ᠲᠠᠢ ᠠᠮᠢᠳᠤᠷᠠᠯ ᠴᠢᠮᠠ ᠳᠤ ᠴᠦ ᠢᠯᠭᠠᠭᠠ ᠦᠭᠡᠢ ᠶᠢ ᠰᠠᠨᠠ | ᠬᠡ ᠲᠠᠢ ᠬᠦ᠋ ᠲᠠᠢ ᠤᠴᠠᠷᠠᠯ ᠬᠠᠮᠢᠭᠠ ᠴᠦ ᠪᠠᠶᠢᠳᠠᠭ ᠢ ᠵᠦᠪᠰᠢᠶᠡᠷᠡ | ᠭᠤᠨᠢᠭᠰᠠᠨ ᠰᠡᠳᠬᠢᠯ ᠳᠡᠭᠡᠨ ᠲᠠᠲᠠᠭᠳᠠᠵᠤ ᠠᠷᠢᠬᠢᠨ ᠳᠤ ᠪᠢᠲᠡᠬᠡᠢ ᠳᠡᠪᠲᠡ | ᠭᠤᠲᠤᠷᠠᠭᠰᠠᠨ ᠪᠤᠳᠤᠯ ᠳᠠᠭᠠᠨ ᠳᠠᠷᠤᠭᠳᠠᠵᠤ ᠰᠡᠭᠦᠳᠡᠷ ᠲᠡᠭᠡᠨ ᠪᠢᠲᠡᠬᠡᠢ ᠴᠢᠷᠦᠭᠳᠡ | ᠡᠭᠦᠯᠡ ᠠᠷᠢᠯᠵᠤ᠂ ᠨᠠᠷᠠᠨ ᠭᠡᠶᠢᠵᠦ᠂ ᠰᠤᠯᠤᠩᠭᠠ ᠮᠢᠷᠠᠯᠵᠠᠳᠠᠭ ᠢ ᠰᠠᠨᠠ | ᠡᠭᠦᠷᠢᠳᠡ ᠶᠢᠨ ᠭᠡᠭᠡᠨ ᠢᠷᠡᠭᠡᠳᠦᠢ ᠬᠤᠯᠠ ᠪᠠᠶᠢᠳᠠᠭ ᠢ ᠪᠤᠳᠤ︕ | ᠠᠮᠢᠳᠤᠷᠠᠯ ᠶᠠᠭ ᠯᠠ ᠠᠶᠠᠨ ᠤ ᠬᠤᠯᠠ ᠵᠠᠮ ᠰᠢᠭ᠋ ᠶᠤᠮ | ᠠᠮᠢᠳᠤᠷᠠᠯ ᠶᠠᠭ ᠯᠠ ᠨᠡᠭᠦᠳᠡᠯ ᠤᠨ ᠤᠷᠲᠤ ᠠᠶᠠᠨ ᠰᠢᠭ᠋ ᠶᠤᠮ | ᠠᠳᠠᠷᠠᠮᠠ ᠶᠡᠬᠡᠲᠡᠢ ᠲᠡᠷᠡ ᠯᠡ ᠵᠠᠮ ᠢᠶᠠᠷ ᠤᠭᠢᠯᠠᠨ ᠳᠠᠭᠤᠯᠠᠨ | ᠠᠯᠢᠪᠠ ᠬᠦᠮᠦᠨ ᠴᠢᠮᠠ ᠲᠠᠢ ᠠᠳᠠᠯᠢᠬᠠᠨ ᠶᠠᠪᠤᠳᠠᠭ ᠢ ᠢᠲᠡᠭᠡ︕ | ᠪᠦᠲᠦᠭᠡ ᠦᠭᠡᠢ ᠳᠤᠷᠠᠯᠠᠯ ᠤᠨ ᠬᠤᠶᠢᠨᠠ ᠠᠴᠠ ᠠᠯᠢᠪᠠ ᠪᠠᠨ ᠪᠢᠲᠡᠭᠡᠢ ᠵᠤᠯᠢᠶᠠᠰᠤᠯᠠ | ᠪᠦᠲᠦᠭᠰᠡᠨ ᠪᠦᠬᠦᠨ ᠤ ᠪᠠᠨ ᠲᠦᠯᠦᠭᠡ ᠴᠦ ᠬᠡᠲᠦᠷᠬᠡᠢ ᠪᠢᠲᠡᠬᠡᠢ ᠪᠠᠶᠠᠷᠯᠠ | ᠬᠡᠶᠢᠰᠴᠦ ᠤᠳᠤᠭᠰᠠᠨ ᠴᠠᠭ ᠤᠨ ᠬᠤᠶᠢᠨᠠ ᠠᠴᠠ ᠬᠡᠲᠦᠷᠬᠡᠢ ᠪᠢᠲᠡᠬᠡᠢ ᠰᠢᠨᠠᠯ | ᠬᠡᠰᠡᠭᠬᠡᠨ ᠰᠢᠬᠢᠷ ᠰᠢᠭ ᠵᠢᠷᠭᠠᠯ ᠳᠤ ᠳᠡᠩᠳᠡᠭᠦᠦ ᠪᠢᠲᠡᠬᠡᠢ ᠬᠠᠨᠤᠮᠵᠢᠯᠠ | ᠭᠠᠩᠭᠠᠷ ᠱᠠᠭᠠᠵᠠᠩ ᠰᠢᠭ᠋ ᠵᠠᠯᠠᠭᠤ ᠨᠠᠰᠤ ᠭᠠᠭᠴᠠᠬᠠᠨ ᠤᠯᠳᠠᠳᠠᠭ ᠢ ᠰᠠᠨᠠ | ᠭᠠᠰᠢᠭᠤᠨ ᠪᠦᠬᠦᠨ ᠤ ᠴᠠᠭᠠᠨᠠ ᠪᠠᠶᠠᠷ ᠨᠢᠭᠤᠭᠳᠠᠳᠠᠭ ᠢ ᠢᠲᠡᠭᠡ | ᠰᠠᠨᠠᠵᠤ ᠶᠠᠪᠤᠪᠠᠯ ᠪᠦᠲᠦᠳᠡᠭ ᠭᠡᠵᠦ ᠰᠡᠳᠬᠢᠯ ᠤᠨ ᠲᠠᠮᠢᠷ ᠢᠶᠠᠨ ᠴᠢᠩᠭᠠᠯᠠ | ᠰᠠᠵᠢᠯᠠᠵᠤ ᠶᠠᠪᠤᠪᠠᠯ ᠬᠦᠷᠳᠡᠭ ᠭᠡᠵᠦ ᠮᠦᠷᠦᠭᠡᠳᠦᠯ ᠤᠨ ᠵᠤᠷᠢᠭ ᠢᠶᠠᠨ ᠡᠷᠴᠢᠯᠡ | ᠠᠮᠢᠳᠤᠷᠠᠯ ᠶᠠᠭ ᠯᠠ ᠠᠰᠬᠠ ᠦᠨᠳᠦᠷ ᠠᠭᠤᠯᠠ ᠰᠢᠭ᠋ ᠶᠤᠮ | ᠠᠮᠢᠳᠤᠷᠠᠯ ᠶᠠᠭ ᠯᠠ ᠳᠠᠪᠠᠭᠠ ᠤᠯᠠᠨ ᠲᠠᠢ ᠵᠠᠮ ᠰᠢᠭ᠋ ᠶᠤᠮ | ᠳᠠᠪᠠᠭᠠ ᠤᠯᠠᠨ ᠲᠠᠢ ᠲᠡᠷᠡ ᠯᠡ ᠵᠠᠮ ᠢᠶᠠᠷ ᠤᠨᠠᠨ ᠪᠤᠰᠤᠨ | ᠲᠠ ᠪᠢᠳᠡ ᠡᠭᠡᠭᠡ ᠠᠳᠠᠯᠢᠬᠠᠨ ᠮᠠᠴᠤᠵᠤ ᠶᠠᠪᠤᠭᠠ ᠶᠢ ᠢᠲᠡᠭᠡ︕ | | | |