| | ᠬᠡ᠊᠂ ᠰᠦᠬᠡ | | ᠨᠠᠷᠠᠨ ᠮᠠᠨᠳᠤᠬᠤ ᠠᠯᠲᠠᠨ ᠲᠤᠶᠠᠭᠠᠨ ᠤ ᠭᠡᠷᠡᠯ ᠢᠶᠠᠷ | ᠨᠠᠷᠮᠠᠢ ᠬᠡᠦᠬᠡᠳ ᠤᠨ ᠠᠩᠭᠠᠭᠰᠠᠨ ᠬᠦᠰᠡᠯ ᠤᠨ ᠵᠠᠮ ᠢᠶᠠᠷ | ᠨᠤᠮ ᠲᠠᠢ ᠨᠢᠭᠡᠨ ᠬᠦᠮᠦᠨ ᠠᠶᠢᠰᠦᠢ᠃ | ᠬᠦᠬᠡ ᠰᠤᠳᠤᠷ ᠤᠨ ᠭᠠᠳᠠᠷ ᠲᠠᠢ | ᠬᠦᠬᠡ ᠮᠤᠩᠭᠤᠯ ᠤᠨ ᠲᠤᠲᠤᠷ ᠲᠠᠢ | ᠬᠦᠬᠡ ᠲᠤᠭ ᠤᠨ ᠰᠦᠷ ᠲᠠᠢ | ᠬᠦᠬᠡ ᠲᠡᠭᠷᠢ ᠶᠢᠨ ᠴᠢᠨᠠᠷ ᠲᠠᠢ | ᠬᠦᠬᠡ ᠲᠤᠯᠪᠤ ᠶᠢᠨ ᠲᠠᠮᠠᠭᠠ ᠲᠠᠢ | ᠬᠦᠬᠡ ᠦᠩᠭᠡ ᠶᠢᠨ ᠨᠠᠮᠲᠠᠷ ᠲᠠᠢ | ᠬᠦᠬᠡ ᠬᠠᠳᠠᠨ ᠤ ᠵᠤᠷᠢᠭ ᠲᠠᠢ | ᠬᠦᠬᠡ ᠡᠪᠡᠰᠦᠨ ᠤ ᠦᠨᠦᠷ ᠲᠠᠢ | ᠬᠦᠬᠡ ᠤᠰᠤᠨ ᠤ ᠠᠨᠢᠷ ᠲᠠᠢ | ᠬᠦᠬᠡ ᠮᠤᠩᠭᠤᠯ ᠤᠨ ᠬᠦᠮᠦᠨ | ᠠᠶᠢᠰᠦᠢ ᠁ | | ᠰᠠᠷᠠᠨ ᠮᠠᠨᠳᠤᠬᠤ ᠮᠦᠩᠭᠦᠨ ᠲᠤᠶᠠᠭᠠᠨ ᠤ ᠭᠡᠭᠡ ᠪᠠᠷ | ᠰᠠᠷᠨᠠᠢ ᠬᠡᠦᠬᠡᠳ ᠤᠨ ᠴᠠᠩᠭᠠᠭᠰᠠᠨ ᠬᠦᠰᠡᠯ ᠤᠨ ᠮᠦᠷ ᠢᠶᠠᠷ | ᠰᠤᠳᠤᠷ ᠲᠠᠢ ᠨᠢᠭᠡᠨ ᠬᠦᠮᠦᠨ ᠠᠶᠢᠰᠦᠢ᠃ | ᠨᠢᠭᠤᠴᠠ ᠲᠤᠪᠴᠢᠶᠠᠨ ᠤ ᠭᠠᠳᠠᠷ ᠲᠠᠢ | ᠴᠢᠩᠭᠢᠰ ᠲᠤᠪᠴᠢᠶᠠᠨ ᠤ ᠲᠤᠲᠤᠷ ᠲᠠᠢ | ᠨᠤᠶᠠᠨ ᠨᠢᠷᠤᠭᠤᠨ ᠤ ᠰᠦᠷ ᠲᠠᠢ | ᠳᠦᠯᠭᠡᠨ ᠨᠠᠭᠤᠷ ᠤᠨ ᠵᠠᠩ ᠲᠠᠢ | ︽ᠡᠷᠭᠦᠨᠡ ᠬᠤᠨ ᠤ ᠳᠤᠮᠤᠭ︾ ᠡᠪᠦᠷᠯᠡᠭᠡᠳ | ︽ᠠᠯᠤᠩᠭᠤᠸᠠ ᠡᠬᠡ ᠶᠢᠨ ᠰᠤᠷᠭᠠᠯ︾ ᠡᠭᠦᠷᠦᠭᠡᠳ | ᠪᠤᠷᠬᠠᠨ ᠬᠠᠯᠳᠤᠨ ᠠᠴᠠ ᠴᠦ ᠶᠤᠮ ᠦᠦ | ᠪᠤᠭᠳᠠ ᠠᠭᠤᠯᠠᠨ ᠠᠴᠠ ᠴᠦ ᠶᠤᠮ ᠦᠦ | ᠬᠦᠳᠡᠭᠡ ᠠᠷᠠᠯ ᠠᠴᠠ ᠴᠦ ᠶᠤᠮ ᠦᠦ | ᠬᠦᠬᠡ ᠰᠢᠯᠢ ᠠᠴᠠ ᠴᠦ ᠶᠤᠮ ᠦᠦ | ᠬᠦᠬᠡ ᠮᠤᠩᠭᠤᠯ ᠤᠨ ᠬᠦᠮᠦᠨ | ᠠᠶᠢᠰᠦᠢ ᠁ | | ᠤᠳᠤᠨ ᠠᠨᠢᠪᠴᠠᠬᠤ ᠶᠠᠭᠠᠨ ᠰᠦᠨᠢ ᠶᠢᠨ ᠴᠢᠯᠦᠭᠡ ᠪᠠᠷ | ᠡᠷᠪᠡᠢ ᠬᠡᠦᠬᠡᠳ ᠤᠨ ᠤᠮᠳᠠᠭᠠᠰᠤᠭᠰᠠᠨ ᠬᠦᠰᠡᠯ ᠤᠨ ᠵᠦᠷᠢᠭ ᠢᠶᠠᠷ | ᠳᠡᠪᠲᠡᠷ ᠲᠠᠢ ᠨᠢᠭᠡᠨ ᠬᠦᠮᠦᠨ ᠠᠶᠢᠰᠦᠢ᠃ | ᠤᠨᠤᠨ ᠮᠦᠷᠡᠨ ᠤ ᠠᠭᠠᠰᠢ ᠲᠠᠢ | ᠦᠭᠡᠯᠦᠨ ᠡᠵᠢ ᠶᠢᠨ ᠠᠭᠠᠯᠢ ᠲᠠᠢ | ᠤᠳᠬᠠ ᠤᠶᠠᠩᠭᠠ ᠶᠢᠨ ᠠᠷᠠᠨᠰᠢᠨ ᠲᠠᠢ | ᠤᠰᠬᠠᠯ ᠪᠤᠯᠤᠷ ᠤᠨ ᠠᠪᠤᠷᠢ ᠲᠠᠢ | ᠤᠷᠠᠨ ᠴᠡᠴᠡᠭ ᠤᠨ ᠭᠠᠩᠬᠤᠭᠠᠨᠠᠭ ᠲᠠᠢ | ᠤᠳᠠᠨ ᠨᠠᠪᠴᠢ ᠶᠢᠨ ᠲᠤᠶ᠋ᠢᠯᠵᠠᠭᠠᠨ ᠲᠠᠢ | ᠤᠷᠤᠰᠬᠠᠯ ᠭᠤᠤᠯ ᠤᠨ ᠦᠶᠡᠯᠵᠡᠭᠡᠨ ᠲᠠᠢ | ᠤᠶᠠᠬᠠᠨ ᠽᠠᠮᠪᠦᠯᠢᠩ ᠤᠨ ᠡᠵᠡᠨ | ᠬᠦᠬᠡ ᠮᠤᠩᠭᠤᠯ ᠤᠨ ᠬᠦᠮᠦᠨ | ᠠᠶᠢᠰᠦᠢ ᠁ | | ᠬᠠᠶ᠋ᠢᠭ᠄ ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠤ ᠳᠠᠯᠠᠶᠢᠨᠠᠭᠤᠷ ᠪᠠᠯᠭᠠᠰᠤ | |