| | | ᠮᠤᠩᠭᠤᠯ ᠡᠮᠡᠭᠳᠡᠶᠢᠴᠤᠳ ᠪᠤᠯ ᠭᠤᠶᠤ ᠦᠵᠡᠰᠬᠦᠯᠡᠩ᠂ ᠬᠠᠳᠠᠨ ᠪᠠᠭᠠᠳᠤᠷᠯᠢᠭ᠂ ᠴᠡᠴᠡᠨ ᠴᠡᠯᠮᠡᠭ᠂ | ᠤᠷᠠᠨ ᠠᠪᠢᠶᠠᠰᠯᠢᠭ᠂ ᠬᠦᠨᠵᠡᠬᠡᠢ ᠪᠠᠭᠳᠠᠭᠠᠮᠵᠢᠳᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠳᠡᠯᠡᠬᠡᠢ ᠳᠤ ᠠᠯᠳᠠᠷᠳᠠᠢ᠃ ᠳᠡᠳᠡᠨᠡᠷ | ᠤᠬᠠᠭᠠᠨ ᠵᠤᠷᠢᠭ ᠤᠨ ᠢᠶᠠᠨ ᠡᠷᠴᠢ ᠪᠠᠷ ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠠᠴᠢᠶᠠᠯᠠᠵᠦ᠂ ᠮᠤᠩᠭᠤᠯ | ᠰᠤᠶᠤᠯ ᠤᠨ ᠳᠤᠯᠭᠠ ᠶᠢᠨ ᠭᠠᠯ ᠢ ᠲᠦᠷᠡᠯᠵᠡᠬᠦᠯᠵᠦ ᠢᠷᠡᠭᠰᠡᠨ ᠶᠤᠮ᠃ ᠲᠡᠭᠡᠬᠦ ᠳᠡᠭᠡᠨ ᠳᠡᠭᠷᠢ ᠤᠬᠠᠭᠠᠨ ᠲᠠᠢ᠂ | ᠨᠠᠷᠠᠨ ᠬᠠᠶᠢᠷᠠ ᠲᠠᠢ᠂ ᠪᠤᠷᠬᠠᠨ ᠰᠡᠳᠬᠢᠯ ᠲᠠᠢ ᠠᠭᠤᠤ ᠡᠮᠡᠭᠳᠡᠶᠢᠴᠤᠳ ᠢ ᠮᠤᠩᠭᠤᠯᠴᠤᠳ ᠵᠤᠷᠢᠭ ᠰᠠᠨᠠᠭᠠᠨ ᠤ ᠪᠠᠨ | ᠤᠮᠤᠭ ᠰᠦᠯᠳᠡ ᠪᠤᠯᠭᠠᠵᠦ᠂ ︽ᠰᠢᠳᠦᠬᠡᠨ ᠡᠬᠡ︾ ᠬᠡᠮᠡᠨ ᠳᠡᠬᠡᠳᠦᠯᠡᠵᠦ ᠢᠷᠡᠭᠰᠡᠨ ᠶᠤᠮ᠃ | ᠮᠤᠩᠭᠤᠯᠴᠤᠳ ᠠᠯᠤᠰ ᠳᠡᠬᠡᠳᠦ ᠦᠶᠡ᠂ ᠡᠬᠡᠴᠢᠯᠡᠯ ᠤᠨ ᠨᠡᠶᠢᠬᠡᠮ ᠠᠴᠠ ᠨᠠᠰᠢ ᠡᠮᠡᠭᠳᠡᠶᠢᠴᠤᠳ ᠤᠨ ᠳᠡᠯᠬᠡᠷ | ᠤᠬᠠᠭᠠᠨ ᠬᠢᠬᠡᠳ ᠪᠤᠭᠳᠠ ᠰᠦᠷ ᠬᠡᠷᠡᠯ ᠳᠤ ᠰᠢᠳᠦᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠳᠡᠤᠬᠡ ᠶᠢᠨ ᠪᠤᠯᠪᠠᠰᠤᠨ ᠳᠤ | ᠬᠦᠨᠳᠦᠬᠡᠨ ᠪᠠᠶᠢᠷᠢ ᠲᠠᠢ ᠪᠤᠯᠵᠤ ᠵᠤᠭᠰᠤᠭᠰᠠᠨ ᠶᠤᠮ᠃ ᠳᠠᠯᠠ ᠨᠤᠳᠤᠭ ᠤᠨ ᠮᠤᠩᠭᠤᠯ ᠡᠮᠡᠭᠳᠡᠶᠢᠴᠤᠳ ᠤᠪᠤᠭ | ᠲᠦᠷᠦᠯ ᠤᠨ ᠨᠡᠶᠢᠬᠡᠮ᠂ ᠹᠧᠤᠳᠠᠯ ᠤᠨ ᠨᠡᠶᠢᠬᠡᠮ ᠪᠠ ᠤᠳᠤ ᠦᠶᠠ ᠬᠦᠷᠳᠡᠯᠡᠬᠢ ᠪᠦᠬᠦ᠋ᠢᠯᠡ ᠳᠡᠤᠬᠡ ᠶᠢᠨ | ᠨᠤᠭᠤᠴᠠᠭᠠᠨ ᠳᠤ ᠡᠷᠡᠭᠳᠡᠶᠢᠴᠤᠳ ᠲᠠᠢ ᠠᠳᠠᠯᠢᠬᠠᠨ ᠠᠤᠭᠠ ᠶᠡᠭᠡ ᠡᠬᠦᠷᠬᠡ ᠶᠢ ᠬᠦᠢᠴᠡᠳᠬᠡᠵᠦ᠂ ᠰᠤᠤ ᠪᠢᠯᠢᠭ ᠪᠠ | ᠤᠬᠠᠭᠠᠨ ᠳᠠᠮᠢᠷ ᠢᠶᠠᠷ ᠢᠶᠠᠨ ᠳᠠᠯᠠ ᠨᠤᠳᠤᠭ ᠤᠨ ᠳᠡᠤᠬᠡ ᠶᠢᠨ ᠬᠡᠷᠡᠯ ᠰᠠᠴᠤᠷᠠᠭᠰᠠᠨ ᠠᠯᠳᠠᠨ ᠬᠠᠭᠤᠳᠠᠰᠦ ᠶᠢ | ᠪᠢᠴᠢᠭᠯᠡᠵᠦ ᠪᠢᠯᠡ᠃ ᠳᠡᠶᠢᠮᠦ ᠠᠴᠠ ᠡᠷᠳᠡ ᠡᠳᠦᠬᠡ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠨᠡᠷᠡᠳᠦ ᠡᠷᠳᠡᠮᠳᠡᠳ ᠮᠤᠩᠭᠤᠯ | ᠡᠮᠡᠭᠳᠡᠶᠢᠴᠤᠳ ᠢ ᠶᠡᠬᠡᠳᠡ ᠪᠠᠭ᠋ᠠᠷᠬᠠᠨ ᠳᠠᠭᠠᠰᠢᠶᠠᠵᠦ᠂ ᠦᠨᠳᠦᠷ ᠦᠨᠡᠯᠡᠯᠳᠡ ᠪᠠᠷ ᠢᠶᠠᠨ ᠳᠡᠤᠬᠡᠨ ᠳᠤ | ᠮᠦᠡᠭᠬᠡᠯᠡᠭᠳᠡᠭᠰᠡᠨ ᠪᠠᠶᠢᠳᠠᠭ᠃ | ᠲ᠊ · ᠤᠶᠤᠨᠠ᠂ ᠠ᠊ · ᠳᠤᠭᠳᠠᠬᠤ᠂ ᠬᠠᠨᠭ᠍ᠭᠠᠢ ᠨᠠᠷ ᠤᠨ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠮᠤᠩᠭᠤᠯ ᠤᠨ | ᠳᠤᠮᠤᠭᠳᠤ ᠬᠠᠳᠤᠳ︾ ᠨᠤᠮ ᠳᠤ ᠮᠤᠩᠭᠤᠯ ᠤᠨ ᠬᠠᠭᠠᠳ᠂ ᠰᠤᠷᠪᠤᠯᠵᠢᠳᠤ ᠬᠡᠷ ᠪᠦᠯᠢ ᠶᠢᠨ ᠴᠡᠴᠡᠨ ᠰᠡᠷᠬᠦᠯᠡᠩ᠂ | ᠲᠦᠪ ᠴᠢᠬᠡᠴᠢ᠂ ᠠᠪᠬᠠᠯᠵᠢᠳᠤ ᠬᠠᠳᠤᠳ ᠤᠨ ᠨᠠᠮᠳᠠᠷ ᠢ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ | ᠡᠪ ᠤᠬᠠᠭᠠᠨ ᠵᠤᠷᠢᠭ ᠬᠠᠷᠢᠭᠤᠴᠠᠯᠭᠠ ᠶᠢ ᠳᠡᠬᠡᠳᠦᠯᠡᠵᠦ᠂ ᠪᠡᠶᠠ ᠪᠠᠨ ᠬᠢᠴᠢᠶᠡᠨ ᠳᠡᠬᠦᠯᠳᠡᠷᠵᠢᠬᠦᠯᠵᠦ᠂ | ᠬᠡᠤᠬᠡᠳ ᠲᠡᠭᠡᠨ ᠳᠤᠯᠢ ᠪᠤᠯᠵᠤ ᠬᠡᠷᠡᠯᠳᠦᠳᠡᠭ ᠭᠤᠶᠤ ᠬᠡᠬᠡᠨᠴᠢᠷ ᠭᠤᠪᠠᠢ ᠦᠵᠡᠰᠬᠦᠯᠡᠩ ᠮᠦᠷᠳᠡᠬᠡᠨ ᠠᠭᠤᠳᠠᠮ | ᠪᠤᠳᠤᠯᠭᠠ ᠰᠠᠷᠠᠭᠤᠯ ᠤᠬᠠᠭᠠᠨ᠂ ᠴᠢᠩ ᠵᠤᠷᠢᠭ ᠲᠠᠢ ᠮᠤᠩᠭᠤᠯ ᠡᠮᠡᠭᠳᠡᠶᠢᠴᠤᠳ ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠳᠡᠤᠬᠡ | ᠰᠤᠶᠤᠯ ᠤᠨ ᠬᠦᠭᠵᠢᠯᠳᠡ ᠳᠤ ᠠᠤᠭᠠ ᠶᠡᠭᠡ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠬᠦᠯᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ᠂ | ᠮᠤᠩᠭᠤᠯᠴᠤᠳ ᠤᠨ ᠵᠤᠷᠢᠭ ᠰᠠᠨᠠᠭᠠᠨ ᠤ ᠡᠷᠴᠢ᠂ ᠰᠡᠳᠬᠢᠯ ᠤᠨ ᠳᠡᠩᠬᠡᠬᠡ᠂ ᠤᠬᠠᠭᠠᠨ ᠪᠤᠳᠤᠯ ᠤᠨ ᠬᠢᠨᠢ ᠨᠠᠷᠠᠨ | ᠰᠠᠷᠠᠨ ᠪᠤᠯᠵᠤ ᠪᠠᠶᠢᠭᠰᠠᠨ ᠲᠦᠯᠦᠬᠡᠯᠡᠭᠴᠢ ᠮᠤᠩᠭᠤᠯ ᠡᠮᠡᠭᠳᠡᠶᠢᠴᠤᠳ ᠢᠶᠠᠨ ︽ᠮᠤᠩᠭᠤᠯ ᠤᠨ ᠳᠤᠮᠤᠭᠳᠤ ᠬᠠᠳᠤᠳ︾ | ᠨᠤᠮ ᠠᠴᠠ ᠤᠯᠵᠤ ᠬᠠᠷᠠᠬᠤ ᠶᠢ ᠬᠦᠰᠡᠵᠦ ᠪᠠᠶᠢᠨᠠ᠃ | |