| | | | | ᠵᠤᠬᠢᠶᠠᠭᠴᠢ ᠪᠦᠷᠢᠨᠲᠡᠭᠦᠰ | ᠦᠪᠦᠷ ᠮᠤᠩᠭᠤᠯ ᠤᠨ ᠬᠡᠪᠯᠡᠯ ᠤᠨ ᠪᠦᠯᠦᠭᠯᠡᠯ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ ᠠᠴᠠ ᠬᠡᠪᠯᠡᠨ ᠲᠠᠷᠬᠠᠭᠠᠪᠠ᠃ | ᠨᠢᠭᠡ | ᠵᠤᠨ ᠤ ᠨᠠᠷᠠ ᠵᠤᠯᠠᠢ ᠳᠡᠭᠡᠷᠡ ᠠᠴᠠ ᠰᠢᠷᠠᠵᠤ ᠬᠤᠲᠠ ᠶᠢᠨ ᠨᠤᠬᠠᠢ ᠭᠡᠷ ᠤᠨ ᠰᠡᠭᠦᠳᠡᠷ ᠠᠴᠠ ᠲᠦᠭᠡ | ᠵᠠᠶᠢᠳᠠᠬᠤ ᠦᠭᠡᠢ ᠠᠭᠠᠬᠢᠯᠠᠨ ᠬᠡᠪᠲᠡᠭᠰᠡᠨ ᠲᠡᠷᠡ ᠡᠷᠢᠨ ᠳᠤ ᠪᠢᠯᠡ᠃ | ᠭᠤᠪᠢ ᠰᠢᠯᠢ ᠶᠢ ᠬᠦᠨᠳᠡᠯᠡᠨ ᠤᠭᠲᠤᠯᠤᠭᠰᠠ ᠬᠡᠷᠡᠮ ᠤᠨ ᠵᠠᠮ ᠢ ᠪᠠᠷᠢᠵᠤ᠂ ᠪᠤᠷᠤ ᠬᠤᠮ ᠲᠠᠢ ᠬᠦᠬᠡ | ᠬᠦᠷᠡᠩ ᠦᠷᠢᠶᠡ ᠰᠠᠨᠳᠠᠶᠢᠯᠠᠭᠰᠠᠨ ᠪᠦᠳᠦᠭᠦᠨ ᠬᠠᠷᠠ ᠡᠷᠡ ᠪᠠᠷᠠᠭᠤᠨᠰᠢᠯᠠᠨ ᠠᠯᠭᠤᠷ ᠠᠯᠬᠤᠭᠤᠯᠤᠨᠠ᠃ | ᠲᠡᠷᠡ ᠬᠦᠳᠡᠷᠯᠢᠭ ᠪᠤᠵᠠᠭᠠᠢ ᠪᠡᠶᠡ ᠲᠠᠢ᠂ ᠬᠦᠷᠡᠩ ᠬᠠᠷᠠ ᠴᠢᠷᠡᠢ ᠳᠤ ᠬᠡᠪ ᠲᠡᠩᠴᠡᠭᠰᠡᠨ ᠦᠳᠬᠡᠨ ᠬᠠᠷᠠ | ᠬᠦᠮᠦᠰᠬᠡ ᠪᠠᠨ ᠬᠠᠶᠠ ᠵᠠᠩᠭᠢᠳᠤᠨ ᠠᠯᠤᠰ ᠢ ᠬᠠᠷᠠᠬᠤ ᠳᠤ ᠵᠤᠵᠠᠭᠠᠨ ᠵᠤᠪᠬᠢ ᠲᠠᠢ ᠰᠢᠷᠦᠭᠦᠨ ᠬᠠᠷᠠᠴᠠ ᠨᠢ | ᠭᠢᠯᠠᠯᠵᠠᠨ᠂ ᠵᠠᠩᠭᠢᠷᠠᠭᠰᠠᠨ ᠪᠤᠯᠴᠢᠩ ᠲᠠᠢ ᠦᠷᠭᠡᠨ ᠰᠢᠨᠠ ᠶᠢ ᠨᠢ ᠪᠠᠷᠢᠵᠤ ᠤᠷᠭᠤᠭᠰᠠᠨ ᠰᠢᠩᠭᠡᠪᠲᠦᠷᠬᠡᠨ ᠰᠠᠬᠠᠯ | ᠰᠠᠨᠴᠢᠭ ᠢᠶᠠᠨ ᠪᠠᠭᠠ ᠠᠴᠠ ᠪᠠᠨ ᠵᠤᠯᠭᠠᠭᠠᠭᠰᠠᠭᠠᠷ ᠪᠠᠶᠢᠵᠤ ᠡᠵᠢ ᠠᠴᠠ ᠵᠠᠶᠠᠭᠠᠭᠰᠠᠨ ᠭᠤᠸᠠᠯᠢᠭ ᠬᠦᠷᠦᠰᠦᠯᠢᠭ | ᠴᠢᠷᠠᠢ ᠨᠢ ᠡᠪᠳᠡᠭᠲᠡᠨ ᠠᠳᠡ ᠲᠡᠨᠳᠡ ᠪᠠᠨ ᠭᠦᠳᠦᠭᠦᠷ ᠬᠤᠲᠤᠭᠤᠷ ᠲᠤᠯᠪᠤ ᠪᠡᠷᠰᠡᠭᠦᠦ ᠰᠠᠭᠤᠴᠢᠬᠠᠭᠰᠠᠨ ᠬᠠᠴᠠᠷ ᠢ | ᠨᠢ ᠲᠠᠭᠠᠨ ᠬᠠᠶᠠ ᠢᠨᠵᠠᠭᠠᠨ ᠤ ᠬᠤᠷᠭᠤᠯ ᠭᠡᠮᠡᠷ ᠬᠦᠯᠦᠰᠦᠨ ᠮᠦᠬᠦᠯᠢᠭ ᠭᠢᠯᠲᠠᠭᠠᠨᠠᠨ ᠪᠦᠮᠪᠦᠷᠢᠨᠡ᠃ ᠦᠷᠭᠡᠨ | ᠮᠦᠷᠦ ᠶᠢ ᠵᠦᠳᠡᠭᠦᠬᠡᠨ ᠪᠠᠭᠲᠠᠭᠠᠭᠰᠠᠨ ᠴᠢᠬᠤᠯᠬᠠᠨ ᠭᠠᠩᠳᠠᠮᠠᠯ ᠬᠦᠬᠡ ᠳᠠᠪᠤᠤ ᠲᠡᠷᠯᠢᠭ ᠤᠨ ᠵᠠᠭᠠᠮᠠ ᠨᠢ ᠱᠠᠯ ᠫᠠᠯ | ᠳᠡᠪᠲᠦᠵᠦ᠂ ᠵᠤᠵᠠᠭᠠᠪᠲᠤᠷᠬᠡᠨ ᠤᠷᠤᠭᠤᠯ ᠨᠢ ᠴᠠᠩᠭᠠᠬᠤ ᠳᠠᠭᠠᠨ ᠪᠢᠵᠡ᠂ ᠤᠰᠬᠤᠷᠳᠤᠨ ᠬᠠᠲᠠᠭᠰᠠᠨ ᠪᠠᠶᠢᠪᠠ᠃ | ᠵᠠᠪᠠᠵᠢ ᠪᠠᠨ ᠪᠠᠶᠢᠨ ᠪᠠᠶᠢᠨ ᠵᠠᠭᠤᠬᠤ ᠪᠤᠶᠤ ᠤᠷᠤᠭᠤᠯ ᠢᠶᠠᠨ ᠳᠤᠯᠢᠶᠠᠨ ᠰᠢᠯᠦᠰᠦ ᠪᠠᠨ ᠵᠠᠯᠭᠢᠬᠤ ᠭᠡᠬᠦ ᠳᠤ᠂ ᠳᠡᠮᠡᠢ | ᠯᠡ ᠲᠠᠮᠰᠢᠶᠠᠯᠠᠬᠤ ᠳᠠᠭᠤᠨ ᠭᠠᠷᠴᠤ ᠨᠢᠳᠤᠷᠭᠠᠨ ᠴᠢᠨᠡᠭᠡᠨ ᠲᠦᠪᠦᠩᠬᠡᠢ ᠨᠢ ᠬᠦᠷᠡᠰᠬᠢᠵᠦ ᠬᠦᠳᠡᠯᠪᠡᠴᠦ ᠴᠠᠭᠠᠰᠢ | ᠳᠠᠪᠠᠭᠤᠯᠬᠤ ᠨᠢ ᠰᠢᠯᠦᠰᠦ ᠪᠢᠰᠢ ᠬᠡᠢ ᠪᠠᠶᠢᠯᠠ᠃ | ᠬᠦᠭᠡᠷᠦᠬᠦᠢ ᠡᠨᠡ ᠡᠷᠡ ᠤᠮᠳᠠᠭᠠᠰᠴᠤ ᠬᠠᠯᠠᠭᠤᠴᠠᠬᠤ ᠶᠢᠨ ᠲᠤᠶᠢᠯ ᠪᠤᠯᠵᠤ ᠶᠠᠪᠤᠭᠠ ᠪᠤᠯᠪᠠᠴᠦ | ᠴᠠᠭᠠᠨᠠ ᠪᠠᠨ ᠵᠦᠳᠡᠷᠡᠭᠰᠡᠨ ᠵᠤᠪᠠᠭᠰᠠᠨ ᠰᠢᠨᠵᠢ ᠪᠠᠶᠢᠳᠠᠯ ᠳᠡᠮᠡᠢ ᠬᠠᠷᠠᠭᠳᠠᠬᠤ ᠦᠭᠡᠢ᠃ ᠬᠡᠪ ᠨᠢᠭᠡ ᠲᠡᠭᠷᠢ ᠶᠢᠨ | ᠬᠠᠶᠠᠭᠠ ᠶᠢ ᠨᠢᠳᠦ ᠪᠠᠨ ᠰᠡᠶᠢᠮᠡᠶᠢᠯᠭᠡᠨ ᠬᠠᠷᠠᠵᠤ ᠠᠪᠤᠭᠠᠳ ᠤᠨᠤᠵᠤ ᠶᠠᠪᠤᠭᠠ ᠬᠦᠬᠡ ᠬᠦᠷᠡᠩ ᠦᠷᠢᠶᠡᠨ ᠤ ᠪᠠᠨ | ᠰᠤᠯᠪᠢᠴᠠᠯᠠᠨ ᠬᠠᠶᠢᠴᠢᠯᠠᠬᠤ ᠴᠢᠬᠢᠨ ᠤ ᠬᠢᠨᠢ ᠤᠮᠤᠭ ᠢ ᠬᠠᠷᠠᠨ ᠬᠠᠷᠠᠨ ᠰᠠᠨᠠᠭᠠ ᠠᠯᠳᠠᠬᠤ ᠠᠴᠠ ᠦᠵᠡᠪᠡᠯ᠂ ᠭᠠᠵᠠᠷ | ᠬᠤᠯᠠ ᠶᠢᠨ ᠠᠶᠠᠨ ᠳᠤ ᠨᠤᠶᠢᠲᠠᠨ ᠦᠷᠢᠶᠡ ᠤᠨᠤᠵᠤ ᠶᠠᠪᠤᠬᠤ ᠲᠡᠭᠦᠨ ᠤ ᠰᠡᠳᠬᠢᠯ ᠢᠲᠡᠭᠡᠯ ᠠᠯᠳᠠᠭᠰᠠᠨ | ᠲᠦᠯᠦᠪᠲᠡᠢ᠃ | ᠡᠷᠡ ᠪᠡᠶᠡ ᠨᠢ ᠲᠡᠩᠴᠦ ᠠᠷᠬᠠᠶᠢᠵᠤ ᠲᠠᠷᠬᠠᠶᠢᠭᠠᠳ ᠪᠤᠵᠠᠭᠠᠢ ᠠᠴᠠ ᠪᠤᠯᠪᠠ ᠦᠦ᠂ ᠤᠨᠤᠵᠤ ᠶᠠᠪᠤᠭᠠ | ᠡᠭᠡᠮ ᠭᠡᠳᠡᠰᠦ ᠪᠠᠷ ᠢᠶᠠᠨ ᠰᠢᠷᠠ ᠲᠠᠭᠠᠬᠢ ᠲᠠᠢ ᠬᠦᠬᠡ ᠬᠦᠷᠡᠩ ᠦᠷᠢᠶᠡ ᠨᠢ ᠰᠠᠷᠪᠠ ᠰᠢᠭ᠋ ᠬᠠᠷᠠᠭᠳᠠᠵᠤ᠂ ᠡᠵᠡᠨ ᠤ | ᠬᠢᠨᠢ ᠪᠠᠷᠢᠵᠤ ᠶᠠᠪᠤᠭᠠ ᠪᠦᠳᠦᠭᠦᠨ ᠢᠷᠭᠠᠢ ᠲᠠᠰᠢᠭᠤᠷ ᠨᠢ ᠦᠷᠢᠶᠡᠨ ᠤ ᠬᠢᠨᠢ ᠰᠢᠯᠪᠢ ᠶᠢᠨ ᠶᠠᠰᠤ ᠠᠴᠠ ᠪᠦᠳᠦᠭᠦᠨ | ᠰᠠᠨᠠᠭᠳᠠᠵᠤ ᠬᠠᠶᠠ ᠬᠤᠷᠤᠶᠢᠯᠵᠠᠭᠤᠯᠤᠨ ᠠᠪᠬᠤ ᠳᠤ ᠦᠷᠢᠶᠡ ᠨᠢ ᠭᠤᠰᠢᠪᠠᠯᠵᠢᠨ ᠁ | ᠭᠡᠵᠦ ︽ᠳᠡᠯᠭᠡᠷ ᠬᠠᠩᠭᠠᠢ︾ ᠶᠢᠨ ᠦᠯᠢᠭᠡᠷ ᠡᠬᠢᠯᠡᠳᠡᠭ ᠰᠠᠨ᠃ ᠬᠡᠷᠪᠡ ᠲᠠ ᠵᠠᠪ ᠲᠠᠢ ᠪᠤᠯᠤᠭᠠᠳ | ᠰᠤᠨᠢᠷᠬᠠᠯ ᠲᠠᠢ ᠪᠤᠯ ᠲᠤᠰ ᠷᠤᠮᠠᠨ ᠢ ᠰᠤᠨᠢᠷᠬᠠᠭᠠᠷᠠᠢ᠃ ᠨᠡᠷᠡᠲᠦ ᠵᠤᠬᠢᠶᠠᠯᠴᠢ ᠶᠢᠨ ᠲᠦᠯᠦᠭᠡᠯᠡᠭᠴᠢ ᠪᠦᠲᠦᠭᠡᠯ ᠤᠨ | ᠨᠢᠭᠡ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠲᠠᠨ ᠳᠤ ᠤᠶᠤᠨ ᠤ ᠬᠦᠷᠲᠡᠭᠡᠯ ᠪᠤᠯᠤᠨᠠ ᠭᠡᠳᠡᠭ ᠲᠤ ᠡᠷᠡᠭᠡᠯᠵᠡᠬᠦ ᠦᠭᠡᠢ ᠪᠠᠶᠢᠨᠠ᠃ | | |