| | ᠤᠳᠬᠤᠨᠪᠠᠭᠠᠲᠤᠷ | | | | ᠦᠷ ᠰᠦᠨᠢ ᠶᠢᠨ ᠭᠡᠭᠡ ᠮᠡᠳᠡᠷᠡᠮᠵᠢ ᠶᠢ | ᠦᠷᠯᠦᠭᠡ ᠪᠤᠯᠭᠠᠨ ᠮᠡᠳᠡᠭᠡᠯᠡᠭᠰᠡᠭᠡᠷ — ᠲᠠᠬᠢᠶᠠ | ᠡᠳᠦᠷ ᠰᠦᠨᠢ ᠶᠢᠨ ᠡᠭᠡᠯᠵᠢᠯ ᠡᠷᠡᠨ ᠢ | ᠤᠭᠲᠤᠵᠤ ᠦᠳᠡᠨ ᠶᠠᠭᠠᠷᠠᠭᠰᠠᠭᠠᠷ — ᠬᠦᠮᠦᠰ | ᠦᠩᠭᠡ ᠲᠠᠢ ᠲᠤᠰᠤᠷᠬᠠᠭ ᠲᠠᠬᠢᠶᠠ ᠵᠢᠯ ᠤᠨ | ᠦᠯᠵᠡᠢ ᠬᠤᠳᠤᠭ ᠢ ᠬᠤᠷᠤᠶᠢᠯᠠᠨ ᠬᠤᠷᠤᠶᠢᠯᠠᠭᠰᠠᠭᠠᠷ | ᠦᠩᠰᠢᠭ ᠳᠤᠯᠠᠭᠠᠬᠠᠨ ᠦᠩᠭᠡᠷᠡᠭᠴᠢ ᠤᠨ ᠳᠠᠭᠠᠨ | ᠡᠷᠭᠢᠨ ᠵᠤᠯᠭᠠᠯᠲᠠ ᠶᠢᠨ ᠪᠤᠯᠵᠤᠯ ᠳᠠᠭᠠᠳᠬᠠᠵᠤ | ᠬᠠᠳᠠᠪᠴᠢ ᠭᠠᠷᠤᠮᠠᠭᠴᠠ ᠬᠠᠪᠤᠷ ᠨᠠᠰᠢᠯᠠᠵᠤ | ᠬᠤᠨᠳᠠᠭᠠ ᠡᠷᠭᠦᠮᠡᠭᠴᠡ ᠳᠠᠭᠤᠤ ᠠᠶᠠᠯᠤᠭᠤᠯᠤᠭᠰᠠᠨ | ᠬᠤᠲᠠᠯᠠ ᠤᠯᠠᠨ ᠤ ᠪᠠᠨ ᠬᠡᠶᠢᠮᠦᠷᠢ ᠳᠠᠯᠠᠯᠤᠭᠰᠠᠭᠠᠷ | ᠬᠤᠲᠠᠴᠢ ᠨᠤᠬᠠᠢ ᠵᠢᠯ ᠮᠢᠨᠢ ᠬᠦᠷᠦᠭᠡᠳ ᠢᠷᠡᠯᠡ | ᠦᠶᠦᠭ ᠲᠠᠪᠠᠲᠠᠢ ᠡᠪᠦᠯᠵᠢᠶᠡ ᠪᠠᠭᠤᠴᠠᠨ ᠳᠡᠭᠡᠷᠡ | ᠤᠷᠢᠬᠠᠨ ᠬᠠᠪᠤᠷ ᠤᠨ ᠰᠠᠯᠬᠢ ᠰᠡᠩᠭᠢᠨᠡᠭᠦᠯᠵᠦ | ᠡᠷᠢᠭᠳᠡᠵᠦ ᠰᠠᠭᠠᠲᠠᠭᠰᠠᠨ ᠰᠠᠳᠤᠨ ᠲᠦᠷᠦᠯ ᠢ | ᠡᠩᠬᠡ ᠬᠠᠶᠢᠷᠠ ᠶᠢᠨ ᠬᠠᠳᠠᠭ ᠲᠠᠢ ᠵᠤᠯᠭᠠᠭᠤᠯᠵᠤ | ᠵᠡᠭᠦᠨ ᠨᠠᠭᠤᠷ ᠤᠨ ᠨᠠᠷᠠᠨ ᠪᠠᠷᠠᠭᠤᠨ ᠠᠭᠤᠯᠠ ᠶᠢᠨ ᠰᠠᠷᠠᠨ | ᠶᠢᠷᠲᠢᠨᠴᠦ ᠶᠢᠨ ᠭᠡᠭᠡᠨ ᠬᠤᠨᠤᠭ ᠤᠳ ᠢ ᠲᠤᠪᠴᠢᠯᠠᠨ ᠲᠤᠪᠴᠢᠯᠠᠨᠠ | ᠰᠠᠷᠠ ᠡᠳᠦᠷ ᠤᠨ ᠨᠠᠮᠢᠶᠠᠨᠲᠤ ᠠᠮᠢᠰᠬᠤᠭᠠ ᠨᠡᠳᠡᠲᠦ ᠮᠡᠳᠡᠷᠡᠭᠳᠡᠨᠡ ᠁ | ᠬᠠᠶᠢᠷᠠ ᠪᠢᠯᠬᠠᠭᠰᠠᠨ ᠤᠷᠴᠢᠯᠠᠩ ᠤᠨ ᠴᠠᠮᠬᠠᠭᠲᠤ ᠦᠷ ᠬᠢᠭᠡᠳ ᠪᠦᠷᠦᠢ | ᠠᠷᠪᠠᠨ ᠬᠤᠷᠤᠭᠤᠨ ᠤ ᠮᠢᠨᠢ ᠮᠡᠳᠡᠷᠡᠬᠦᠢ ᠳᠡᠭᠡᠷᠡ | ᠡᠩᠬᠦᠷᠡᠢ ᠢᠯᠳᠠᠮᠬᠠᠨ ᠤ ᠤᠯᠠᠨ ᠭᠤᠭᠴᠤᠭᠠᠨ ᠠᠴᠠ ᠭᠡᠷᠡᠯ ᠰᠤᠪᠤᠵᠤ | ᠰᠢᠨᠡ ᠤᠨ ᠢᠷᠡᠨᠡ᠃ | ᠨᠠᠪᠴᠢᠨ ᠠᠴᠠ ᠨᠠᠪᠴᠢᠨ ᠤᠷᠭᠤᠬᠤ ᠶᠢᠨ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠳᠤᠮᠳᠠ | ᠨᠠᠷᠠᠲᠤ ᠶᠢᠨ ᠰᠠᠶᠢᠬᠠᠨ ᠭᠡᠭᠡ ᠶᠢ ᠤᠷᠲᠤᠰᠬᠠᠨ | ᠬᠡᠵᠢᠶᠡᠳᠡ ᠶᠢᠨ ᠦᠨᠢ ᠮᠦᠩᠬᠡ ᠲᠠᠢ ᠲᠤᠬᠤᠢ ᠬᠤᠯᠪᠤᠵᠤ | ᠤᠷᠴᠢᠨ ᠠᠰᠬᠠᠷᠠᠬᠤ ᠶᠢᠨ ᠠᠭᠤᠳᠠᠮ ᠤᠷᠤᠨ ᠵᠠᠢ ᠬᠢᠭᠡᠳ ᠭᠠᠩᠭᠠᠩ | ᠰᠡᠷᠡᠯ ᠰᠡᠳᠬᠢᠬᠦᠢ ᠶᠢᠨ ᠠᠭᠯᠠᠭ ᠬᠤᠷᠸᠠ ᠳᠤ | ᠠᠮᠢ ᠠᠮᠢᠵᠢᠷᠠᠯ ᠤᠨ ᠬᠠᠮᠤᠭ ᠰᠠᠶᠢᠬᠠᠨ ᠳᠠᠭᠤᠤ ᠶᠢ ᠬᠦᠭᠵᠢᠮᠳᠡᠵᠦ | ᠰᠢᠨᠡ ᠵᠢᠯ ᠢᠷᠡᠨᠡᠮ︕ | ᠠᠷᠤ ᠭᠠᠵᠠᠷ ᠤᠨ ᠴᠠᠰᠤᠨ ᠡᠮᠦᠨᠡ ᠤᠷᠤᠨ ᠤ ᠴᠡᠴᠡᠭᠡᠰ | ᠰᠠᠨᠠᠭᠰᠠᠨ ᠰᠠᠶᠢᠬᠠᠨ ᠬᠦᠰᠡᠯ ᠢ ᠮᠢᠨᠢ ᠵᠢᠭᠦᠷᠯᠡᠨ ᠲᠡᠯᠡᠮᠡᠭᠦᠯᠦᠨᠡ | ᠬᠦᠢ ᠠᠭᠠᠭ ᠲᠠᠢ ᠴᠠᠭ ᠤᠨ ᠬᠦᠷᠳᠦᠨ ᠨᠡᠳᠡᠳᠦ ᠴᠡᠴᠡᠭᠯᠡᠨᠡ ᠁ | ᠮᠦᠩᠬᠡ ᠶᠢᠨ ᠷᠠᠰᠢᠶᠠᠨ ᠡᠩᠬᠡ ᠶᠢᠨ ᠤᠰᠤᠨ ᠲᠠᠬᠢᠨ ᠲᠠᠬᠢᠨ ᠤᠨᠳᠤᠷᠴᠤ | ᠮᠦᠩᠬᠡ ᠢᠷᠡᠭᠡᠳᠦᠢ ᠶᠢᠨ ᠬᠠᠪᠤ ᠵᠢᠷᠭᠠᠯ ᠤᠨ ᠡᠭᠦᠳᠡᠨ ᠳᠡᠭᠡᠷᠡ | ᠰᠢᠨᠡ ᠤᠨ ᠤ ᠪᠠᠳᠠᠷᠠᠩᠭᠤᠢ ᠠᠯᠠᠭᠠᠨ ᠠᠴᠠ | ᠰᠠᠨᠠᠵᠤ ᠰᠠᠷᠪᠠᠶᠢᠭᠰᠠᠨ ᠲᠦᠮᠡᠨ ᠨᠠᠬᠢᠶᠠ ᠢᠷᠠᠯᠵᠠᠨᠠ᠃ | ᠨᠠᠰᠤᠨ ᠠᠴᠠ ᠨᠠᠰᠤ ᠲᠦᠷᠦᠭᠳᠡᠵᠦ ᠴᠡᠴᠡᠭᠡᠰ ᠠᠴᠠ ᠴᠡᠴᠡᠭᠡᠰ ᠠᠩᠭᠢᠯᠤᠨᠠ | ᠴᠡᠪᠡᠷ ᠭᠤᠸᠠ ᠴᠦᠮ ᠢᠶᠠᠷ ᠨᠢᠭᠡᠨ ᠴᠤᠭᠴᠠ ᠳᠤ ᠠᠭᠤᠰᠴᠤ | ᠡᠷᠬᠡᠰ ᠽᠠᠮᠪᠤᠯᠢᠩ ᠰᠢᠨᠡᠲᠦᠨᠡ᠃ | ᠴᠢᠪᠬᠠᠲᠠᠰᠤᠨ ᠤᠶᠠᠩᠭᠠᠷᠠᠵᠤ | ᠲᠤᠤᠯᠢ ᠳᠤᠮᠤᠭ ᠤᠨ ᠳᠠᠩᠰᠤᠭ ᠳᠤᠮᠳᠠ | ᠨᠠᠷᠠᠲᠤ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠪᠦᠬᠦᠨ ᠦᠷᠭᠦᠯᠵᠢᠯᠡᠵᠦ | ᠰᠢᠨᠡ ᠤᠨ ᠢᠷᠡᠨᠡ︕ | |