| ᠲᠦᠷᠦᠭᠦᠬᠡᠨ ᠵᠠᠰᠠᠭᠲᠤ ᠵᠠᠩ ᠦᠢᠯᠡ ᠪᠠᠷ ᠰᠡᠳᠦᠪᠯᠡᠭᠰᠡᠨ ᠦᠷᠭᠦᠯᠵᠢᠯᠡᠭᠰᠡᠨ ᠲᠧᠯᠸᠢᠰ ᠵᠦᠴᠦᠭᠡ ︽ | ᠵᠠᠰᠠᠭᠲᠤ ᠬᠤᠷᠢᠮ︾ ᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠬᠦᠬᠡᠬᠤᠲᠠ ᠳᠤ ᠶᠠᠪᠤᠭᠳᠠᠪᠠ᠃ | ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ ᠨᠠᠰᠢ ᠮᠤᠩᠭᠤᠯ ᠰᠤᠶᠤᠯ ᠤᠷᠠᠯᠢᠭ ᠤᠨ ᠠᠵᠢᠯᠲᠠᠳ ᠵᠠᠰᠠᠭᠲᠤ ᠰᠤᠶᠤᠯ ᠢᠶᠠᠨ | ᠤᠯᠠᠮᠵᠢᠯᠠᠨ ᠬᠦᠭᠵᠢᠭᠦᠯᠬᠦ ᠶᠢᠨ ᠲᠦᠯᠦᠭᠡ ᠵᠠᠰᠠᠭᠲᠤ ᠶᠢᠨ ᠬᠤᠷᠢᠮ ᠲᠦᠷᠦ ᠶᠢᠨ ᠶᠤᠰᠤᠨ ᠤ ᠲᠤᠬᠠᠢ ᠶᠡᠭᠡ | ᠬᠡᠮᠵᠢᠶᠡ ᠪᠠᠷ ᠡᠮᠬᠢᠳᠬᠡᠨ ᠴᠤᠭᠯᠠᠭᠤᠯᠵᠤ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠦᠪᠦᠷ ᠮᠤᠩᠭᠤᠯ ᠤᠨ ᠷᠠᠳᠢᠤ᠋ | ᠲᠧᠯᠸᠢᠰ ᠬᠤᠷᠢᠶᠠᠨ ᠤ ᠮᠤᠩᠭᠤᠯ ᠤᠳᠤᠨ ᠲᠧᠯᠸᠢᠰ ᠠᠴᠠ ᠰᠡᠭᠦᠳᠡᠷᠯᠡᠨ ᠦᠢᠯᠡᠳᠪᠡ᠃ ᠲᠤᠰ ᠵᠦᠴᠦᠭᠡ ᠶᠢ | ᠤᠯᠠᠭᠠᠨᠮᠤᠳᠤ ᠰᠤᠮᠤ ᠳᠤ ᠰᠡᠭᠦᠳᠡᠷᠯᠡᠭᠰᠡᠨ ᠪᠦᠭᠡᠳ ᠲᠤᠰ ᠭᠠᠵᠠᠷ ᠤᠷᠤᠨ ᠤ ᠮᠠᠯᠴᠢᠨ᠂ ᠪᠠᠭᠰᠢ᠂ ᠠᠵᠢᠯᠲᠠᠨ 50 | ᠭᠠᠷᠤᠢ ᠬᠦᠮᠦᠰ ᠵᠦᠴᠦᠭᠡ ᠶᠢᠨ ᠳᠦᠷᠢ ᠶᠢ ᠲᠤᠭᠯᠠᠪᠠ᠃ ︽ᠵᠠᠰᠠᠭᠲᠤ ᠬᠤᠷᠢᠮ︾ ᠨᠢ ᠪᠦᠬᠦ ᠤᠷᠤᠨ ᠳᠤ ᠠᠪᠴᠤ | ᠬᠡᠯᠡᠪᠡᠯ ᠠᠩᠬᠠᠳᠤᠭᠠᠷ ᠤᠳᠠᠭᠠ ᠬᠤᠷᠴᠢᠨ ᠮᠤᠩᠭᠤᠯ ᠠᠶᠠᠯᠭᠤ ᠪᠠᠷ ᠰᠡᠭᠦᠳᠡᠷᠯᠡᠭᠰᠡᠨ ᠲᠧᠯᠸᠢᠰ ᠵᠦᠴᠦᠭᠡ ᠪᠤᠯᠬᠤ | ᠪᠦᠭᠡᠳ ᠪᠦᠬᠦ ᠵᠦᠴᠦᠭᠡ ᠳᠤ ᠵᠠᠰᠠᠭᠲᠤ ᠬᠤᠷᠴᠢᠨᠴᠤᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠳᠤᠮᠳᠠᠬᠢ ᠬᠡᠯᠡ ᠶᠠᠷᠢᠶᠠ᠂ | ᠵᠠᠩ ᠵᠠᠩᠰᠢᠯ ᠢ ᠮᠦᠨ ᠬᠡᠪ ᠢᠶᠠᠷ ᠨᠢ ᠬᠠᠷᠠᠭᠤᠯᠪᠠ᠃ | ᠲᠤᠰ ᠵᠦᠴᠦᠭᠡ ᠨᠢ ᠮᠠᠯᠴᠢᠨ ᠵᠠᠯᠠᠭᠤ ᠪᠠᠲᠤᠰᠦ᠋ᠬᠡ ᠪᠤᠯᠤᠨ ᠤᠶᠤᠨᠠ ᠶᠢᠨ ᠤᠷᠤᠭ ᠤᠨ ᠤᠴᠢᠷ ᠢᠶᠠᠷ | ᠰᠢᠵᠢᠮᠯᠡᠨ ᠵᠠᠰᠠᠭᠲᠤ ᠬᠤᠷᠢᠮ ᠤᠨ ᠪᠡᠷᠢ ᠭᠤᠶᠤᠬᠤ᠂ ᠬᠠᠳᠠᠭ ᠲᠠᠯᠪᠢᠬᠤ᠂ ᠪᠡᠯᠡᠭ ᠲᠤᠰᠢᠶᠠᠬᠤ᠂ ᠡᠳᠦᠷ ᠲᠤᠭᠲᠠᠬᠤ᠂ | ᠰᠢᠭᠦᠰᠦ ᠬᠦᠷᠭᠡᠬᠦ᠂ ᠰᠠᠭᠠᠳᠠᠭ ᠮᠤᠷᠳᠠᠬᠤ᠂ ᠰᠠᠭᠠᠳᠠᠭ ᠬᠤᠷᠢᠬᠤ᠂ ᠬᠡᠦᠬᠡᠨ ᠤ ᠬᠤᠷᠢᠮ᠂ ᠬᠦᠷᠭᠡᠨ | ᠬᠤᠪᠴᠠᠰᠤᠯᠠᠬᠤ᠂ ᠡᠬᠡ ᠶᠢᠨ ᠴᠠᠭᠠᠨ ᠰᠦ ᠬᠠᠷᠢᠭᠤᠯᠬᠤ᠂ ᠬᠦᠷᠭᠡᠨ ᠲᠠᠨᠢᠯᠴᠠᠭᠤᠯᠬᠤ᠂ ᠨᠡᠷᠡ ᠵᠢᠯ ᠭᠤᠶᠤᠬᠤ᠂ | ᠱᠠᠭᠠᠨᠲᠤ ᠶᠢᠨ ᠬᠤᠷᠢᠮ᠂ ᠬᠡᠦᠬᠡᠨ ᠮᠤᠷᠳᠠᠬᠤ᠂ ᠬᠡᠭᠡᠷᠡ ᠤᠭᠲᠤᠭᠤᠯ᠂ ᠡᠭᠦᠳᠡ ᠳᠠᠷᠤᠬᠤ᠂ ᠭᠠᠯ ᠭᠤᠯᠤᠮᠲᠠ ᠳᠤ | ᠮᠦᠷᠭᠦᠭᠦᠯᠬᠦ᠂ ᠦᠰᠦ ᠬᠠᠭᠠᠯᠬᠤ᠂ ᠭᠤᠤᠯ ᠬᠤᠷᠢᠮ᠂ ᠬᠡᠦᠬᠡᠨ ᠲᠤᠰᠢᠶᠠᠬᠤ᠂ ᠳᠦᠷᠦᠭᠡᠨ ᠠᠶᠠᠭᠠ᠂ ᠬᠤᠨᠳᠠᠭᠠ | ᠴᠤᠮᠤ ᠬᠤᠯᠪᠤᠬᠤ᠂ ᠬᠡᠦᠬᠡᠨ ᠡᠷᠭᠢᠬᠦ ᠵᠡᠷᠭᠡ ᠤᠯᠠᠮᠵᠢᠯᠠᠯᠲᠦ ᠬᠤᠷᠢᠮ ᠤᠨ ᠳᠦᠷᠢᠮ ᠶᠤᠰᠤ ᠶᠢ ᠠᠯᠬᠤᠮ ᠳᠠᠷᠠᠭᠠ ᠲᠠᠢ | ᠦᠵᠡᠭᠦᠯᠵᠡᠢ᠃ ᠵᠠᠰᠠᠭᠲᠤ ᠬᠤᠰᠢᠭᠤ ᠪᠤᠯ ᠤᠳᠤᠬᠢ ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠡᠮᠦᠨᠡᠲᠦ | ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠨᠡᠷᠡᠶᠢᠳᠦᠯ ᠪᠠᠶᠢᠵᠤ᠂ 1636 ᠤᠨ ᠳᠤ ᠪᠠᠶᠢᠭᠤᠯᠤᠭᠳᠠᠨ᠂ ᠵᠢᠷᠢᠮ ᠤᠨ ᠴᠢᠭᠤᠯᠭᠠᠨ ᠤ | ᠨᠤᠨ ᠠᠷᠪᠠᠨ ᠬᠤᠰᠢᠭᠤᠨ ᠤ ᠳᠤᠮᠳᠠ ᠬᠤᠶᠠᠳᠤᠭᠠᠷ ᠲᠤ ᠵᠢᠭᠰᠠᠭᠠᠭᠳᠠᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ︽ᠵᠠᠩ ᠰᠠᠶᠢᠲᠠᠢ | ᠵᠠᠰᠠᠭᠲᠤ︾ ᠭᠡᠵᠦ ᠳᠠᠶᠠᠩ ᠳᠤ ᠠᠯᠳᠠᠷᠰᠢᠭᠰᠠᠨ ᠶᠤᠮ᠃ | ᠲᠤᠰ ᠵᠦᠴᠦᠭᠡ ᠶᠢ ᠰᠡᠭᠦᠳᠡᠷᠯᠡᠬᠦ ᠳᠤᠭᠤᠶᠢᠯᠠᠩ ᠤᠨ ᠬᠢᠨ ᠵᠠᠩ ᠦᠢᠯᠡ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ᠂ | ᠺᠢᠨᠤ᠋ ᠲᠧᠯᠸᠢᠰ ᠤᠷᠠᠯᠢᠭ ᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠢ ᠤᠷᠢᠵᠤ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠬᠢᠵᠦ᠂ ᠵᠠᠩ | ᠦᠢᠯᠡ ᠶᠢᠨ ᠲᠠᠯᠠ ᠪᠠᠷ ᠮᠠᠳᠠᠭ ᠲᠠᠢ ᠵᠦᠢᠯᠡᠰ᠂ ᠤᠷᠠᠯᠢᠭ ᠤᠨ ᠲᠠᠯᠠ ᠪᠠᠷ ᠬᠦᠷᠦᠯᠴᠡᠬᠦ ᠦᠭᠡᠢ ᠵᠦᠢᠯᠡᠰ ᠢ | ᠨᠦᠬᠦᠪᠦᠷᠢᠯᠡᠵᠦ᠂ ᠲᠧᠯᠸᠢᠰ ᠵᠦᠴᠦᠭᠡ ᠪᠠᠨ ᠨᠡᠩ ᠴᠢᠨᠠᠷᠯᠢᠭ ᠪᠤᠯᠭᠠᠬᠤ ᠶᠢ ᠵᠤᠷᠢᠵᠠᠢ᠃ |