| | ᠤᠶᠢᠷᠠ ᠳᠤ᠂ ᠪᠤᠯᠭᠠᠨ᠂ ᠪᠤᠰᠬᠠᠨ ᠵᠦᠢᠷᠡᠢ ᠠᠬᠠ ᠳᠡᠭᠦᠦ ᠬᠤᠶᠠᠭᠤᠯᠠ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠦᠪᠦᠷ | ᠮᠤᠩᠭᠤᠯ ᠤᠨ ᠬᠠᠮᠤᠭ ᠤᠨ ᠵᠠᠯᠠᠭᠤ ᠬᠠᠮᠲᠤᠯᠢᠭ ᠪᠤᠯᠬᠤ B-TWO ᠬᠠᠮᠲᠤᠯᠢᠭ ᠤᠨ ᠠᠩᠬᠠᠨ ᠤ ᠴᠤᠮᠤᠭ ︽ | ᠦᠷᠭᠦᠯᠵᠢᠯᠡᠯ︾ ᠤᠨ ᠲᠠᠷᠬᠠᠭᠠᠯᠲᠠ ᠶᠢᠨ ᠶᠤᠰᠤᠯᠠᠯ ᠬᠦᠬᠡᠬᠤᠲᠠ ᠳᠤ ᠶᠠᠪᠤᠭᠳᠠᠵᠠᠢ᠃ ᠶᠤᠰᠤᠯᠠᠯ ᠳᠤ᠂ ᠮᠠᠨ ᠤ | ᠤᠷᠤᠨ ᠤ ᠤᠯᠠᠨ ᠵᠠᠯᠠᠭᠤ ᠳᠠᠭᠤᠴᠢᠨ ᠤᠷᠠᠯᠢᠭᠴᠢᠳ ᠪᠠ B-TWO ᠬᠠᠮᠲᠤᠯᠢᠭ ᠤᠨ ᠬᠠᠮᠲᠤ ᠰᠤᠷᠤᠭᠴᠢᠳ | ᠬᠦᠷᠦᠯᠴᠡᠨ ᠢᠷᠡᠵᠦ ᠡᠨᠡᠬᠦ ᠪᠠᠶᠠᠷ ᠵᠢᠷᠭᠠᠯᠲᠤ ᠮᠦᠴᠡ ᠶᠢ ᠬᠠᠮᠲᠤ ᠳᠤ ᠪᠠᠨ ᠬᠤᠪᠢᠶᠠᠯᠴᠠᠭᠰᠠᠨ ᠪᠠᠶᠢᠨᠠ᠃ | ︽ᠦᠷᠭᠦᠯᠵᠢᠯᠡᠯ︾ ᠴᠤᠮᠤᠭ ᠨᠢ ︽ᠠᠵᠠ ᠵᠢᠷᠭᠠᠯ ᠤᠨ ᠰᠢᠪᠠᠭᠤᠬᠠᠢ︾᠂ ︽ᠨᠢᠳᠦ ᠪᠠᠨ ᠠᠨᠢ︾᠂ ︽ | ᠨᠠᠶᠢᠵᠠ ᠮᠢᠨᠢ︾ ᠵᠡᠷᠭᠡ 11 ᠳᠠᠭᠤᠤ ᠶᠢ ᠪᠠᠭᠲᠠᠭᠠᠭᠰᠠᠨ ᠪᠦᠭᠡᠳ ᠠᠯᠳᠠᠷᠲᠤ ᠠᠶᠠᠯᠭᠤ ᠵᠤᠬᠢᠶᠠᠭᠴᠢ ᠪᠠᠶᠠᠨ ᠪᠤᠯᠤᠨ | ᠳᠠᠭᠤᠴᠢᠨ ᠮᠠᠨᠠᠨ ᠬᠤᠶᠠᠭᠤᠯᠠ ᠶᠢᠨ ᠵᠦᠢᠷᠡᠢ ᠬᠦᠦ ᠶᠢᠨ ᠢᠶᠠᠨ 18 ᠨᠠᠰᠤᠨ ᠤ ᠡᠷᠡ ᠶᠢᠨ ᠴᠡᠭᠡᠯ ᠳᠤ ᠬᠦᠷᠦᠭᠰᠡᠨ | ᠪᠠᠶᠠᠷ ᠢ ᠨᠢ ᠳᠤᠷᠠᠰᠬᠠᠨ ᠲᠡᠮᠳᠡᠭᠯᠡᠬᠦ ᠪᠠᠷ ᠪᠡᠯᠡᠳᠬᠡᠭᠰᠡᠨ ᠨᠠᠨᠳᠢᠨ ᠪᠡᠯᠡᠭ ᠪᠤᠯᠬᠤ ᠶᠤᠮ᠃ ᠲᠤᠰ ᠴᠤᠮᠤᠭ ᠲᠤ | ᠪᠠᠶᠠᠨ ᠤ ᠪᠢᠴᠢᠭᠰᠡᠨ ︽ᠰᠢᠯᠦᠭ ᠮᠢᠨᠢ ᠬᠦᠯᠦᠭ ᠮᠢᠨᠢ︾᠂ ︽ᠪᠠᠭᠠ ᠨᠠᠰᠤ ᠮᠢᠨᠢ ᠨᠠᠮᠠ ᠶᠢ ᠤᠷᠬᠢᠭᠠ ᠦᠭᠡᠢ︾ | ᠭᠡᠬᠦ ᠬᠤᠶᠠᠷ ᠳᠠᠭᠤᠤ ᠤᠷᠤᠭᠰᠠᠨ ᠠᠴᠠ ᠭᠠᠳᠠᠨᠠ᠂ ᠤᠯᠠᠩᠬᠢ ᠳᠠᠭᠤᠤ ᠨᠤᠭᠤᠳ ᠢ ᠨᠢ HB ᠬᠠᠮᠲᠤᠯᠢᠭ ᠤᠨ | ᠬᠤᠶᠠᠷ ᠭᠡᠰᠢᠭᠦᠨ ᠬᠦᠪᠴᠢ᠂ ᠪᠢᠰᠢᠷᠡᠯᠲᠦ ᠬᠤᠶᠠᠭᠤᠯᠠ ᠲᠤᠰᠬᠠᠶᠢᠯᠠᠨ ᠪᠤᠯᠭᠠᠨ ᠪᠤᠰᠬᠠᠨ ᠬᠤᠶᠠᠷ ᠲᠤ ᠵᠤᠷᠢᠭᠤᠯᠤᠨ | ᠪᠦᠲᠦᠭᠡᠭᠰᠡᠨ ᠶᠤᠮ᠃ | ᠪᠤᠯᠭᠠᠨ᠂ ᠪᠤᠰᠬᠠᠨ 1999 ᠤᠨ ᠳᠤ ᠠᠯᠳᠠᠷᠲᠤ ᠬᠦᠭᠵᠢᠮ ᠤᠨ ᠵᠤᠬᠢᠶᠠᠯᠴᠢ ᠪᠠᠶᠠᠨ᠂ ᠳᠠᠭᠤᠴᠢᠨ | ᠮᠠᠨᠠᠨ ᠤ ᠭᠡᠷ ᠲᠤ ᠵᠠᠶᠠᠭᠠᠵᠠᠢ᠃ ᠤᠳᠤᠬᠠᠨ ᠳᠤ ᠬᠦᠬᠡᠬᠤᠲᠠ ᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠰᠤᠷᠭᠠᠭᠤᠯᠢ ᠶᠢᠨ | ᠳᠡᠭᠡᠳᠦ ᠬᠤᠶᠠᠳᠤᠭᠠᠷ ᠤᠨ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠨᠠ᠃ ᠲᠡᠳᠡ ᠬᠤᠶᠠᠭᠤᠯᠠ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠪᠤ | ᠡᠵᠢ ᠶᠢᠨ ᠢᠶᠠᠨ ᠨᠦᠯᠦᠭᠡ ᠶᠢ ᠬᠦᠷᠲᠡᠵᠦ᠂ ᠳᠠᠭᠤᠤ ᠬᠦᠭᠵᠢᠮ ᠳᠤ ᠤᠨᠴᠠᠭᠠᠢ ᠳᠤᠷᠠ ᠰᠤᠨᠢᠷᠬᠠᠯ ᠲᠠᠢ ᠪᠠᠶᠢᠪᠠ᠃ | ᠠᠪᠤ ᠪᠠᠶᠠᠨ ᠨᠢ ᠭᠠᠯ ᠵᠠᠯᠠᠭᠤ ᠨᠠᠰᠤᠨ ᠠᠴᠠ ᠪᠠᠨ ᠷᠤᠺ ᠤᠷᠠᠯᠢᠭ ᠲᠤ ᠪᠠᠭ᠋ᠠᠲᠠᠢ ᠪᠠᠶᠢᠵᠤ᠂ ᠤᠷᠢᠳ ᠬᠤᠵᠢᠳ ᠬᠦᠬᠡ | ᠬᠡᠭᠡᠷᠡ ᠬᠠᠮᠲᠤᠯᠢᠭ᠂ HAYA ᠬᠠᠮᠲᠤᠯᠢᠭ᠂ ᠪᠠᠶᠠᠨ ᠬᠠᠮᠲᠤᠯᠢᠭ ᠵᠡᠷᠭᠡ ᠷᠤᠺ ᠬᠠᠮᠲᠤᠯᠢᠭ ᠢ ᠡᠭᠦᠰᠬᠡᠨ ᠪᠠᠶᠢᠭᠤᠯᠵᠤ | ᠠᠵᠢᠯᠯᠠᠭᠤᠯᠵᠤ ᠪᠠᠶᠢᠭᠰᠠᠨ ᠪᠤᠯ᠂ ᠵᠦᠢᠷᠡᠢ ᠬᠦᠦ ᠨᠢ ᠬᠠᠷᠢᠨ ᠬᠢᠫ ᠬᠤᠫ ᠤᠷᠠᠯᠢᠭ ᠲᠤ ᠲᠤᠶᠢᠯ ᠤᠨ ᠪᠠᠭ᠋ᠠᠲᠠᠢ | ᠪᠠᠶᠢᠵᠤ᠂ ᠶᠢᠰᠦᠨ ᠨᠠᠰᠤᠲᠠᠢ ᠳᠠᠭᠠᠨ ᠬᠤᠶᠠᠭᠤᠯᠠ ᠶᠢᠨ ᠨᠡᠷᠡ ᠶᠢᠨ ᠲᠦᠷᠦᠭᠦᠦ ᠭᠠᠯᠢᠭ ᠢᠶᠠᠷ ᠨᠡᠷᠡᠯᠡᠭᠰᠡᠨ | B-TWO ᠬᠠᠮᠲᠤᠯᠢᠭ ᠢᠶᠠᠨ ᠪᠠᠶᠢᠭᠤᠯᠵᠤ᠂ ᠦᠭᠦᠯᠡᠵᠦ ᠳᠠᠭᠤᠯᠠᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ |