| ᠵᠢᠯ ᠪᠤᠯᠭᠠᠨ ᠤ 6 ᠰᠠᠷᠠ ᠶᠢᠨ 14 ᠤ ᠡᠳᠦᠷ ᠪᠤᠯ ᠲᠡᠯᠡᠬᠡᠢ ᠶᠢᠨ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠡᠳᠦᠷ ᠮᠦᠨ᠃ | ᠨᠡᠩ ᠤᠯᠠᠨ ᠬᠦᠮᠦᠨ ᠢ ᠵᠤᠷᠢᠭᠵᠢᠭᠤᠯᠤᠨ ᠲᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠴᠢᠰᠤ ᠬᠠᠨᠳᠢᠪᠯᠠᠭᠤᠯᠬᠤ᠂ ᠪᠦᠬᠦ ᠳᠡᠯᠡᠬᠡᠢ ᠶᠢᠨ | ᠴᠢᠰᠤᠨ ᠤ ᠰᠢᠩᠭᠡᠨ ᠤ ᠠᠮᠤᠷ ᠲᠦᠪᠰᠢᠨ ᠤ ᠲᠦᠯᠦᠪᠵᠢᠭᠦᠯᠭᠡ ᠶᠢ ᠨᠠᠶᠢᠳᠠᠪᠦᠷᠢᠵᠢᠭᠤᠯᠤᠯᠲᠠ ᠶᠢ ᠤᠬᠠᠭᠤᠯᠬᠤ ᠪᠠ | ᠠᠬᠢᠭᠤᠯᠬᠤ ᠶᠢᠨ ᠲᠦᠯᠦᠭᠡ᠂ ᠳᠡᠯᠡᠬᠡᠢ ᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ᠂ ᠤᠯᠠᠭᠠᠨ | ᠵᠠᠭᠠᠯᠮᠠᠶᠢᠲᠠᠨ ᠤ ᠨᠡᠶᠢᠭᠡᠮᠯᠢᠭ ᠪᠠ ᠬᠤᠩ ᠰᠢᠨ ᠶᠤᠸᠠᠢ ᠾᠦᠢ ᠤᠯᠠᠨ ᠤᠯᠤᠰ ᠤᠨ ᠬᠤᠯᠪᠤᠭᠠᠲᠤ ᠬᠤᠷᠠᠯ᠂ ᠤᠯᠠᠨ | ᠤᠯᠤᠰ ᠤᠨ ᠴᠢᠰᠤ ᠶᠡᠭᠦᠯᠡᠬᠦ ᠨᠡᠶᠢᠭᠡᠮᠯᠢᠭ ᠠᠴᠠ 2004 ᠤᠨ ᠤ 6 ᠰᠠᠷᠠ ᠶᠢᠨ 14 ᠤ ᠡᠳᠦᠷ ᠢ ᠠᠩᠬᠠᠳᠠᠭᠴᠢ | ᠳᠡᠯᠡᠬᠡᠢ ᠶᠢᠨ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠡᠳᠦᠷ ᠢᠶᠠᠷ ᠲᠤᠭᠲᠠᠭᠠᠵᠠᠢ᠃ | ᠠᠽᠢᠶᠠ ᠲᠢᠪ ᠤᠨ ᠡᠯᠡ ᠤᠯᠤᠰ ᠤᠨ ᠴᠢᠰᠤ ᠬᠠᠨᠳᠢᠪᠯᠠᠭᠰᠠᠨ ᠬᠠᠷᠢᠴᠠᠯ | ᠮᠠᠨ ᠤ ᠤᠯᠤᠰ ᠤᠨ 《 ᠴᠢᠰᠤ ᠬᠠᠨᠳᠢᠪᠯᠠᠬᠤ ᠬᠠᠤᠯᠢ 》 ᠳᠠᠬᠢ ᠳᠤᠤᠷᠠᠬᠢ ᠡᠯᠡ ᠲᠦᠷᠦᠯ ᠤᠨ | ᠲᠤᠭᠲᠠᠭᠠᠯ ᠨᠢ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠬᠦᠭᠵᠢᠭᠰᠡᠨ ᠤᠯᠤᠰ ᠪᠠ ᠠᠽᠢᠶᠠ ᠲᠢᠪ ᠤᠨ ᠪᠤᠰᠤᠳ ᠤᠯᠤᠰ ᠤᠨ ᠬᠢ ᠠᠴᠠ | ᠪᠦᠷ ᠳᠤᠤᠷᠠ ᠪᠠᠶᠢᠳᠠᠭ᠃ | ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠠᠰᠤ᠄ ᠮᠠᠨ ᠤ ᠤᠯᠤᠰ ᠤᠨ ᠲᠤᠭᠲᠠᠭᠠᠯ ᠳᠤ 18-55 ᠪᠦᠬᠦᠯᠢ ᠨᠠᠰᠤ ︵ᠡᠷᠡᠭᠲᠡᠢ᠂ | ᠡᠮᠡᠭᠲᠡᠢ︶︔ ᠰᠢᠶᠠᠩᠭᠠᠩ ᠤᠨ ᠤᠨᠴᠠᠭᠠᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠤᠷᠤᠨ ᠤ ᠲᠤᠭᠲᠠᠭᠠᠯ ᠳᠤ 16 ᠨᠠᠰᠤᠨ ᠠᠴᠠ | ᠳᠡᠭᠡᠭᠰᠢ᠂ ᠵᠦᠪᠬᠡᠨ ᠲᠤᠤᠷᠠ ᠬᠢᠵᠠᠭᠠᠷ ᠲᠠᠢ᠂ ᠳᠡᠭᠡᠷᠡ ᠬᠢᠵᠠᠭᠠᠷ ᠦᠭᠡᠢ︔ ᠶᠠᠫᠤᠨ ᠤ ᠲᠤᠭᠲᠠᠭᠠᠯ ᠳᠤ᠄ 18-69 | ᠨᠠᠰᠤ︔ ᠺᠤᠷᠢᠶᠠ ᠤᠯᠤᠰ ᠤᠨ ᠲᠤᠭᠲᠠᠭᠠᠯ ᠳᠤ 16-65 ᠨᠠᠰᠤ︔ ᠲᠠᠶᠢᠸᠠᠨ ᠤ ᠲᠤᠭᠲᠠᠭᠠᠯ ᠳᠤ 17-65 ᠨᠠᠰᠤ | ᠃ ᠨᠢᠭᠡ ᠤᠳᠠᠭᠠᠨ ᠤ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠬᠡᠮᠵᠢᠶᠡ᠄ ᠮᠠᠨ ᠤ ᠤᠯᠤᠰ ᠤᠨ ᠲᠤᠭᠲᠠᠭᠠᠯ ᠳᠤ ᠨᠢᠭᠡ ᠤᠳᠠᠭᠠ 200 | ᠮᠢᠯᠢᠯᠢᠲᠷ᠂ ᠬᠠᠮᠤᠭ ᠤᠯᠠᠨ ᠳᠠᠭᠠᠨ 400 ᠮᠢᠯᠢᠯᠢᠲᠷ ᠠᠴᠠ ᠳᠠᠪᠠᠵᠤ ᠪᠤᠯᠬᠤ ᠦᠭᠡᠢ︔ ᠺᠤᠷᠢᠶᠠ ᠤᠯᠤᠰ ᠤᠨ | ᠲᠤᠭᠲᠠᠭᠠᠯ ᠳᠤ 320-400 ᠮᠢᠯᠢᠯᠢᠲᠷ︔ ᠰᠢᠶᠠᠩᠭᠠᠩ ᠤᠨ ᠤᠨᠴᠠᠭᠠᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠤᠷᠤᠨ ᠤ | ᠲᠤᠭᠲᠠᠭᠠᠯ ᠳᠤ 300-430 ᠮᠢᠯᠢᠯᠢᠲᠷ︔ ᠲᠠᠶᠢᠸᠠᠨ ᠤ ᠲᠤᠭᠲᠠᠭᠠᠯ ᠳᠤ 250-500 ᠮᠢᠯᠢᠯᠢᠲᠷ︔ ᠨᠧᠫᠡᠯ ᠤᠨ | ᠲᠤᠭᠲᠠᠭᠠᠯ ᠳᠤ 250-500 ᠮᠢᠯᠢᠯᠢᠲᠷ᠃ ᠬᠤᠶᠠᠷ ᠤᠳᠠᠭᠠᠨ ᠤ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠴᠠᠭ ᠤᠨ ᠵᠦᠷᠢᠶᠡ᠄ | ᠮᠠᠨ ᠤ ᠤᠯᠤᠰ ᠤᠨ ᠲᠤᠭᠲᠠᠭᠠᠯ ᠳᠤ ᠵᠢᠷᠭᠤᠭᠠᠨ ᠰᠠᠷᠠ ᠠᠴᠠ ᠤᠬᠤᠷ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ︔ ᠶᠠᠫᠤᠨ᠂ ᠺᠤᠷᠢᠶᠠ | ᠂ ᠰᠢᠶᠠᠩᠭᠠᠩ ᠤᠨ ᠤᠨᠴᠠᠭᠠᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠤᠷᠤᠨ᠂ ᠲᠠᠶᠢᠸᠠᠨ ᠤ ᠲᠣᠭᠲᠠᠭᠠᠯ ᠳᠤ 3 ᠰᠠᠷᠠ᠃ ᠭᠠᠳᠠᠷ | ᠤᠯᠤᠰ ᠤᠨ ᠨᠢᠭᠡᠨ ᠮᠡᠳᠡᠭᠡᠯᠡᠯ ᠳᠤ᠂ ᠨᠢᠭᠡᠨ ᠬᠦᠮᠦᠨ ᠨᠢᠭᠡ ᠵᠢᠯ 10 ᠤᠳᠠᠭᠠ ᠴᠢᠰᠤ ᠬᠠᠨᠳᠢᠪᠯᠠᠭᠰᠠᠨ ᠢ | ᠮᠡᠳᠡᠭᠡᠯᠡᠵᠡᠢ᠂ ᠡᠭᠦᠨ ᠠᠴᠠ ᠦᠵᠡᠪᠡᠯ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠢ ᠡᠷᠡᠭᠦᠯ ᠴᠢᠬᠢᠷᠠᠭ ᠢ ᠨᠦᠯᠦᠭᠡᠯᠡᠬᠦ ᠦᠭᠡᠢ᠃ | ᠴᠢᠰᠤ ᠬᠠᠨᠳᠢᠪᠯᠠᠭᠰᠠᠳ ᠶᠠᠮᠠᠷ ᠬᠠᠮᠠᠭᠠᠯᠠᠪᠠᠰᠤ ᠵᠤᠬᠢᠬᠤ ᠡᠷᠬᠡ ᠪᠠᠶᠢᠬᠤ ᠪᠤᠢ︖ | 1. ᠠᠯᠢᠪᠠ ᠴᠢᠰᠤ ᠬᠠᠨᠳᠢᠪᠯᠠᠭᠰᠠᠳ ᠪᠦᠷ ᠬᠦᠬᠢᠭᠦᠯᠦᠯ ᠱᠠᠩᠨᠠᠯ ᠤᠯᠬᠤ ᠡᠷᠬᠡ ᠲᠠᠢ᠃ | 2. ᠴᠢᠰᠤ ᠬᠠᠨᠳᠢᠪᠯᠠᠭᠰᠠᠳ ᠤᠨ ᠭᠦᠮᠦᠨ ᠴᠢᠨᠡᠷ ᠢ ᠭᠤᠲᠠᠭᠠᠨ ᠳᠤᠷᠤᠮᠵᠢᠯᠠᠬᠤ ᠦᠭᠡᠢ᠂ ᠬᠤᠪᠢ ᠶᠢᠨ | ᠨᠢᠭᠤᠴᠠ ᠶᠢ ᠬᠠᠮᠠᠭᠠᠯᠠᠬᠤ ᠡᠷᠬᠡ ᠲᠠᠢ᠃ | 3. ᠴᠢᠰᠤ ᠬᠠᠨᠳᠢᠪᠯᠠᠭᠰᠠᠳ ᠲᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠪᠡᠶᠡ ᠶᠢᠨ ᠪᠠᠶᠢᠴᠠᠭᠠᠯᠲᠠ ᠬᠢᠵᠦ᠂ ᠰᠢᠯᠭᠠᠨ | ᠪᠠᠶᠢᠴᠠᠭᠠᠬᠤ ᠬᠠᠷᠠᠭᠠᠯᠵᠠᠯ ᠲᠠᠢ᠃ | ᠨᠢᠭᠡ ᠡᠷᠡᠭᠦᠯ ᠡᠷᠬᠡᠲᠦ ᠠᠷᠠᠳ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠬᠡᠳᠦᠢ ᠴᠢᠰᠤ ᠬᠠᠨᠳᠢᠪᠯᠠᠵᠤ ᠪᠤᠯᠬᠤ ᠪᠤᠢ︖ 《 | ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤᠨ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠬᠠᠤᠯᠢ 》 ᠶᠢᠨ ᠲᠤᠭᠲᠠᠭᠠᠯ ᠢ | ᠦᠨᠳᠦᠰᠦᠯᠡᠪᠡᠯ᠂ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠠᠰᠤᠨ ᠤ ᠬᠢᠵᠠᠭᠠᠷ ᠨᠢ 18-55 ᠪᠦᠬᠦᠯᠢ ᠨᠠᠰᠤ᠂ ᠬᠤᠶᠠᠷ ᠤᠳᠠᠭᠠᠨ ᠤ | ᠴᠢᠰᠤ ᠬᠠᠨᠳᠢᠪᠯᠠᠬᠤ ᠴᠠᠭ ᠤᠨ ᠵᠦᠷᠢᠶᠡ ᠵᠢᠷᠭᠤᠭᠠᠨ ᠰᠠᠷᠠ ᠠᠴᠠ ᠳᠡᠭᠡᠭᠰᠢ ᠪᠠᠶᠢᠵᠤ᠂ ᠤᠳᠠᠭᠠ ᠪᠦᠷᠢ ᠶᠢᠨ ᠴᠢᠰᠤ | ᠬᠠᠨᠳᠢᠪᠯᠠᠬᠤ ᠬᠡᠮᠵᠢᠶᠡ 200-400 ᠮᠢᠯᠢᠯᠢᠲᠷ᠃ ᠬᠡᠷᠪᠡ ᠨᠢᠭᠡ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠪᠠᠷᠢᠮᠵᠢᠶᠠ ᠳᠤ ᠨᠡᠶᠢᠴᠡᠭᠰᠡᠨ | ᠡᠷᠡᠭᠦᠯ ᠬᠦᠮᠦᠨ ᠵᠢᠷᠭᠤᠭᠠᠨ ᠰᠠᠷᠠ ᠦᠩᠭᠡᠷᠡᠬᠦ ᠪᠦᠷᠢ ᠨᠢᠭᠡ ᠤᠳᠠᠭᠠ ᠴᠢᠰᠤ ᠬᠠᠨᠳᠢᠪᠯᠠᠨ᠂ ᠤᠳᠠᠭᠠ ᠪᠦᠷᠢ 400 | ᠮᠢᠯᠢᠯᠢᠲᠷ ᠬᠠᠨᠳᠢᠪᠯᠠᠬᠤ ᠪᠠᠷ ᠪᠤᠳᠤᠪᠠᠯ᠂ ᠨᠢᠭᠡ ᠬᠦᠮᠦᠨ ᠨᠢᠭᠡ ᠨᠠᠰᠤᠨ ᠳᠠᠭᠠᠨ 74 ᠤᠳᠠᠭᠠ ᠴᠢᠰᠤ ᠬᠠᠨᠳᠢᠪᠯᠠᠵᠤ᠂ | ᠨᠡᠶᠢᠲᠡ 3 ᠲᠦᠮᠡᠨ ᠮᠢᠯᠢᠯᠢᠲᠷ ᠴᠢᠰᠤ ᠬᠠᠨᠳᠢᠪᠯᠠᠨᠠ᠃ | ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠢ ᠡᠷᠡᠭᠦᠯ ᠮᠡᠨᠳᠦ ᠶᠢ ᠨᠦᠯᠦᠭᠡᠯᠡᠬᠦ ᠦᠭᠡᠢ | ᠴᠢᠰᠤᠨ ᠤ ᠰᠢᠩᠭᠡᠨ ᠤ ᠹᠢᠽᠢᠦᠯᠤᠭᠢ ᠶᠢᠨ ᠤᠬᠠᠭᠠᠨ ᠠᠴᠠ ᠦᠵᠡᠪᠡᠯ᠄ 200 ᠮᠢᠯᠢᠯᠢᠲᠷ ᠴᠢᠰᠤ | ᠬᠠᠨᠳᠢᠪᠯᠠᠬᠤ ᠨᠢ ᠶᠠᠮᠠᠷ ᠤᠬᠠᠭᠳᠠᠬᠤᠨ ᠪᠤᠯ︖ ᠬᠦᠮᠦᠨ ᠤ ᠪᠡᠶᠡ ᠳᠠᠬᠢ ᠴᠢᠰᠤᠨ ᠤ ᠰᠢᠩᠭᠡᠨ ᠤ ᠶᠡᠷᠦᠩᠬᠡᠢ ᠬᠡᠮᠵᠢᠶᠡ | ᠨᠢ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢᠨ 8％ ᠶᠢ ᠡᠵᠡᠯᠡᠨᠡ᠂ ᠡᠩ ᠤᠨ ᠪᠠᠶᠢᠳᠠᠯ ᠳᠤ᠂ ᠨᠠᠰᠤᠨ ᠳᠤ | ᠬᠦᠷᠦᠭᠰᠡᠳ ᠤᠨ ᠴᠢᠰᠤᠨ ᠤ ᠰᠢᠩᠭᠡᠨ ᠤ ᠶᠡᠷᠦᠩᠬᠡᠢ ᠬᠡᠮᠵᠢᠶᠡ ᠨᠢ 4000-5000 ᠮᠢᠯᠢᠯᠢᠲᠷ᠂ ᠨᠢᠭᠡ ᠤᠳᠠᠭᠠ | 200 ᠮᠢᠯᠢᠯᠢᠲᠷ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠢ ᠴᠢᠰᠤᠨ ᠤ ᠶᠡᠷᠦᠩᠬᠡᠢ ᠬᠡᠮᠵᠢᠶᠡᠨ ᠤ 1/20-1/25 ᠶᠢ ᠡᠵᠡᠯᠡᠨᠡ︔ | ᠡᠮᠴᠢᠯᠡᠭᠡᠨ ᠤ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠦᠢᠯᠡᠳᠦᠯᠭᠡ ᠳᠤᠮᠳᠠ᠂ ᠡᠩ ᠤᠨ ᠪᠠᠶᠢᠳᠠᠯ ᠳᠤ᠂ ᠴᠢᠰᠤ ᠲᠤᠲᠠᠭᠰᠠᠨ | ᠬᠡᠮᠵᠢᠶᠡ ᠨᠢ 600 ᠮᠢᠯᠢᠯᠢᠲᠷ ᠠᠴᠠ ᠪᠠᠭᠠ ᠦᠶᠡᠰ᠂ ᠴᠢᠰᠤ ᠶᠡᠭᠦᠯᠡᠬᠦ ᠶᠢ ᠰᠠᠨᠠᠭᠠᠴᠢᠯᠠᠬᠤ ᠦᠭᠡᠢ᠂ ᠡᠭᠦᠨ ᠠᠴᠠ | 200 ᠮᠢᠯᠢᠯᠢᠲᠷ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠢ ᠡᠷᠡᠭᠦᠯ ᠮᠡᠨᠳᠦ ᠶᠢ ᠨᠦᠯᠦᠭᠡᠯᠡᠬᠦ ᠦᠭᠡᠢ ᠭᠡᠳᠡᠭ ᠢ ᠮᠡᠳᠡᠵᠦ ᠪᠤᠯᠤᠨᠠ᠃ | ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠴᠢᠰᠤᠨ ᠤ ᠰᠢᠩᠭᠡᠨ ᠨᠢ ᠪᠦᠭᠦᠳᠡᠭᠡᠷ ᠴᠢᠰᠤᠨ ᠤ ᠡᠷᠭᠢᠯᠲᠡ ᠳᠤ ᠤᠷᠤᠯᠴᠠᠬᠤ ᠪᠢᠰᠢ᠂ | 20-25％ ᠶᠢᠨ ᠴᠢᠰᠤᠨ ᠤ ᠰᠢᠩᠭᠡᠨ ᠨᠢ ᠳᠡᠯᠢᠭᠦᠦ᠂ ᠡᠯᠢᠭᠡ᠂ ᠠᠭᠤᠰᠬᠢ᠂ ᠠᠷᠠᠰᠤ ᠵᠡᠷᠭᠡ 《 ᠴᠢᠰᠤᠨ ᠤ | ᠬᠦᠮᠦᠷᠭᠡ 》 ᠲᠤᠲᠤᠷᠠ ᠤᠷᠤᠰᠢᠵᠤ᠂ ᠳᠡᠯᠢᠭᠦᠦ ᠪᠤᠯ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠬᠠᠮᠤᠭ ᠤᠨ ᠶᠡᠭᠡ 《 ᠴᠢᠰᠤᠨ ᠤ | ᠬᠦᠮᠦᠷᠭᠡ 》 ᠮᠦᠨ᠂ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠶᠡᠷᠦᠩᠬᠡᠢ ᠴᠢᠰᠤᠨ ᠤ ᠬᠡᠮᠵᠢᠶᠡᠨ ᠤ 20％ ᠶᠢᠨ ᠴᠢᠰᠤᠨ ᠤ | ᠰᠢᠩᠭᠡᠨ ᠢ ᠬᠠᠳᠠᠭᠠᠯᠠᠵᠤ ᠳᠡᠶᠢᠯᠦᠨᠡ᠃ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠴᠢᠰᠤᠨ ᠤ ᠡᠷᠭᠢᠯᠲᠡ ᠴᠢᠰᠤ ᠬᠡᠷᠡᠭᠰᠡᠬᠦ ᠦᠶᠡᠰ᠂ | ᠳᠡᠯᠢᠭᠦᠦ ᠵᠡᠷᠭᠡ ᠨᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠴᠢᠰᠤᠨ ᠤ ᠰᠢᠩᠭᠡᠨ ᠢ ᠴᠢᠰᠤᠨ ᠰᠤᠳᠠᠯ ᠳᠤ ᠤᠷᠤᠭᠤᠯᠵᠤ᠂ ᠴᠢᠰᠤᠨ ᠤ | ᠡᠷᠭᠢᠯᠲᠠ ᠳᠤ ᠤᠷᠤᠯᠴᠠᠭᠤᠯᠤᠨᠠ᠃ 200 ᠮᠢᠯᠢᠯᠢᠲᠷ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠢ ᠴᠢᠰᠤᠨ ᠤ ᠡᠷᠭᠢᠯᠲᠡ ᠶᠢ | ᠨᠦᠯᠦᠭᠡᠯᠡᠬᠦ ᠦᠭᠡᠢ᠂ ᠬᠡᠷᠬᠢᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠢ ᠨᠦᠯᠦᠭᠡᠯᠡᠬᠦ ᠠᠵᠠᠢ︖ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠴᠢᠰᠤᠨ ᠤ | ᠪᠦᠷᠢᠯᠳᠦᠭᠦᠨ ᠤ ᠬᠠᠭᠤᠴᠢᠨ ᠢ ᠭᠠᠷᠭᠠᠵᠤ ᠰᠢᠨᠡ ᠶᠢ ᠠᠪᠬᠤ ᠬᠦᠳᠡᠯᠭᠡᠭᠡᠨ ᠨᠢ ᠤᠨᠴᠠᠭᠠᠢ ᠬᠦᠳᠡᠯᠦᠩᠭᠦᠢ᠂ | ᠬᠦᠮᠦᠨ ᠤ ᠪᠡᠶᠡ ᠳᠤᠲᠤᠷᠠ ᠡᠳᠦᠷ ᠪᠦᠷᠢ ᠪᠠᠷᠤᠭ 1/120 ᠶᠢᠨ ᠤᠯᠠᠭᠠᠨ ᠡᠰ ︵20 ᠳ᠋ᠦᠩᠰᠢᠭᠤᠷ ᠤᠯᠠᠭᠠᠨ ᠡᠰ | ︶ ᠦᠲᠡᠯᠵᠦ᠂ ᠦᠬᠦᠵᠦ᠂ ᠴᠠᠭᠠᠨ ᠡᠰ ᠤᠨ ᠳᠤᠮᠳᠠᠴᠢ ᠠᠮᠢ ᠨᠠᠰᠤ ᠪᠠᠷᠤᠭ 7-14 ᠡᠳᠦᠷ᠂ ᠴᠢᠰᠤᠨ | ᠢᠯᠳᠠᠰᠤ ᠶᠢᠨ ᠠᠮᠢ ᠨᠠᠰᠤ ᠨᠢ ᠨᠡᠩ ᠤᠬᠤᠷ᠂ ᠪᠠᠷᠤᠭ 7-9 ᠡᠳᠦᠷ᠃ ᠳᠠᠬᠢᠪᠠᠯ᠂ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠴᠢᠮᠦᠭᠡ | ᠬᠦᠴᠦᠷᠬᠡᠭ ᠶᠡᠭᠡ ᠨᠦᠬᠦᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢ ᠲᠠᠢ᠂ ᠵᠤᠬᠢᠬᠤ ᠨᠦᠬᠦᠴᠡᠯ ᠤᠨ ᠲᠦᠯᠬᠢᠴᠡ ᠳᠤᠤᠷᠠ᠂ ᠴᠢᠮᠦᠭᠡ ᠶᠢᠨ | ᠴᠢᠰᠤ ᠪᠦᠷᠢᠯᠳᠦᠭᠦᠯᠬᠦ ᠴᠢᠳᠠᠪᠤᠷᠢ ᠨᠢ ᠡᠩ ᠤᠨ ᠬᠢ ᠠᠴᠠ ᠪᠠᠨ 6-8 ᠳᠠᠬᠢᠨ ᠨᠡᠮᠡᠭᠳᠡᠬᠦ ᠪᠤᠯᠤᠯᠴᠠᠭᠠ ᠲᠠᠢ᠂ ᠨᠢᠭᠡᠨ | ᠡᠷᠡᠭᠦᠯ ᠬᠦᠮᠦᠨ ᠡᠳᠦᠷ ᠪᠦᠷᠢ ᠪᠠᠷᠤᠭ 2000 ᠳ᠋ᠦᠩᠰᠢᠭᠤᠷ ᠤᠯᠠᠭᠠᠨ ᠡᠰ᠂ 1200 ᠳ᠋ᠦᠩᠰᠢᠭᠤᠷ ᠴᠢᠰᠤᠨ | ᠢᠯᠳᠠᠰᠤ ᠶᠢ ᠪᠦᠷᠢᠯᠳᠦᠭᠦᠯᠦᠨᠡ᠂ ᠳᠠᠷᠣᠢ ᠡᠷᠡᠭᠦᠯ ᠬᠦᠮᠦᠨ ᠤ ᠵᠢᠯ ᠪᠦᠷᠢ ᠶᠢᠨ ᠰᠢᠨᠡ ᠪᠠᠷ ᠨᠡᠮᠡᠭᠳᠡᠭᠰᠡᠨ ᠴᠢᠰᠤᠨ ᠤ | ᠡᠰ ᠨᠢ ᠪᠠᠷᠤᠭ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠴᠢᠰᠤᠨ ᠤ ᠡᠰ ᠤᠨ ᠶᠡᠷᠦᠩᠬᠡᠢ ᠬᠡᠮᠵᠢᠶᠡ ᠲᠠᠢ ᠲᠡᠩᠴᠡᠨᠡ᠃ 200 | ᠮᠢᠯᠢᠯᠢᠲᠷ ᠴᠢᠰᠤ ᠬᠠᠨᠳᠢᠪᠯᠠᠭᠰᠠᠨ ᠤ ᠳᠠᠷᠠᠭᠠ᠂ ᠬᠦᠮᠦᠨ ᠤ ᠪᠡᠶᠡ ᠠᠯᠢ ᠲᠦᠷᠭᠡᠨ ᠢᠶᠠᠷ ᠨᠦᠭᠦᠪᠦᠷᠢᠯᠡᠨ ᠴᠢᠳᠠᠬᠤ | ᠲᠤᠯᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠢ ᠤᠭᠲᠤ ᠨᠦᠯᠦᠭᠡᠯᠡᠬᠦ ᠦᠭᠡᠢ᠃ | ᠶᠠᠮᠠᠷ ᠬᠦᠮᠦᠰ ᠴᠢᠰᠤ ᠬᠠᠨᠳᠢᠪᠯᠠᠵᠤ ᠪᠤᠯᠬᠤ ᠪᠤᠢ︖ | 1998 ᠤᠨ ᠤ 9 ᠰᠠᠷᠠ ᠳᠤ᠂ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠶᠠᠮᠤᠨ ᠤ ᠬᠤᠶᠠᠳᠤᠭᠠᠷ ᠲᠤᠭᠠᠲᠤ ᠵᠠᠷᠯᠢᠭ 《 | ᠴᠢᠰᠤᠨ ᠤ ᠦᠷᠲᠡᠭᠡ ᠶᠢᠨ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠠᠷᠭᠠ ︵ᠲᠤᠷᠰᠢᠨ ᠬᠡᠷᠡᠭᠯᠡᠬᠦ︶ 》 ᠳᠤ᠂ ᠴᠢᠰᠤ | ᠬᠠᠨᠳᠢᠪᠯᠠᠭᠰᠠᠳ ᠤᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠤᠨ ᠪᠠᠶᠢᠴᠠᠭᠠᠯᠲᠠ ᠶᠢᠨ ᠪᠠᠷᠢᠮᠵᠢᠶᠠ ᠶᠢᠨ ᠲᠤᠬᠠᠢ ᠲᠤᠭᠲᠠᠭᠠᠯ ᠨᠢ ᠲᠤᠤᠷᠠᠬᠢ | ᠮᠡᠲᠦ᠄ | 1. ᠨᠠᠰᠤ᠄ 18-55 ᠪᠦᠬᠦᠯᠢ ᠨᠠᠰᠤ | 2. ᠪᠡᠶᠡ ᠶᠢᠨ ᠬᠦᠨᠳᠦ᠄ ᠡᠷᠡᠭᠲᠡᠢ 50 ᠺᠢᠯᠤᠭ᠍ᠷᠡᠮ ᠲᠠᠢ ᠲᠡᠩᠴᠡᠭᠦᠦ ᠪᠤᠶᠤ ᠶᠡᠭᠡ᠂ ᠡᠮᠡᠭᠲᠡᠢ 45 | ᠺᠢᠯᠤᠭ᠍ᠷᠡᠮ ᠲᠠᠢ ᠲᠡᠩᠴᠡᠭᠦᠦ ᠪᠤᠶᠤ ᠶᠡᠭᠡ᠃ | 3. ᠴᠢᠰᠤᠨ ᠳᠠᠷᠤᠯᠲᠠ᠄ 12-20/8-12kpa᠂ ᠰᠤᠳᠠᠯ ᠤᠨ ᠳᠠᠷᠤᠯᠲᠠ ᠶᠢᠨ ᠵᠦᠷᠢᠶᠡ᠄ 4kpa | ᠪᠤᠶᠤ 90mmHg-140mmHg/60mmHg-90mmHg᠂ ᠰᠤᠳᠠᠯ ᠤᠨ ᠳᠠᠷᠤᠯᠲᠠ ᠶᠢᠨ | ᠵᠦᠷᠢᠶᠡ 30mmHg ᠲᠠᠢ ᠲᠡᠩᠴᠡᠭᠦᠦ ᠪᠤᠶᠤ ᠶᠡᠭᠡ᠃ | 4. ᠰᠤᠳᠠᠯ ᠤᠨ ᠯᠤᠭᠰᠢᠯᠲᠠ᠄ 60-100 ᠤᠳᠠᠭᠠ / ᠮᠢᠨᠦ᠋ᠲ᠂ ᠲᠤᠩ ᠲᠡᠰᠪᠤᠷᠢ ᠲᠠᠢ ᠲᠠᠮᠢᠷᠴᠢᠨ | ᠮᠢᠨᠦ᠋ᠲ ᠪᠦᠷᠢ 50 ᠲᠠᠢ ᠲᠡᠩᠴᠡᠭᠦᠦ ᠪᠤᠶᠤ ᠶᠡᠭᠡ᠃ | 5. ᠪᠡᠶᠡ ᠶᠢᠨ ᠳᠤᠯᠠᠭᠠᠨ ᠬᠡᠪ ᠤᠨ ᠪᠠᠶᠢᠳᠠᠯ ᠲᠠᠢ᠃ | 6. ᠠᠷᠠᠰᠤ ᠨᠢ ᠰᠢᠷᠠᠯᠠᠵᠤ ᠬᠠᠯᠳᠠᠪᠤᠷᠢᠯᠠᠭᠰᠠᠨ ᠦᠭᠡᠢ᠂ ᠶᠡᠭᠡ ᠠᠷᠠᠰᠤᠨ ᠡᠪᠡᠳᠴᠢᠨ ᠦᠭᠡᠢ᠂ | ᠯᠢᠮᠹᠠ ᠵᠢᠨᠵᠠᠩᠭᠢᠯᠠᠭᠠ ᠨᠢ ᠢᠯᠡᠷᠬᠡᠢ ᠬᠠᠪᠤᠳᠠᠷ ᠦᠭᠡᠢ᠃ | 7. ᠲᠠᠪᠤᠨ ᠴᠤᠯᠤ ᠨᠢ ᠬᠦᠨᠳᠦ ᠡᠪᠡᠳᠴᠢᠨ ᠦᠭᠡᠢ᠂ ᠰᠠᠯᠢᠰᠦᠲᠦ ᠪᠦᠷᠭᠦᠪᠴᠢ ᠨᠢ ᠰᠢᠷᠠᠯᠠᠵᠦ | ᠬᠠᠯᠳᠠᠪᠦᠷᠢᠯᠠᠭᠰᠡᠨ ᠦᠭᠡᠢ᠂ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠨᠢ ᠬᠠᠪᠤᠳᠠᠷ ᠦᠭᠡᠢ᠃ | 8. ᠳᠦᠷᠪᠡᠨ ᠮᠦᠴᠡ ᠨᠢ ᠤᠨᠴᠠᠭᠠᠢ ᠵᠡᠮᠳᠡᠭ ᠪᠢᠰᠢ᠂ ᠭᠦᠨᠳᠦ ᠠᠵᠢᠯᠯᠠᠭᠠ ᠶᠢᠨ ᠰᠢᠨᠵᠢᠲᠦ ᠬᠠᠷᠰᠢᠯᠠᠯ | ᠦᠭᠡᠢ ᠵᠢᠴᠢ ᠦᠶᠡ ᠭᠡᠰᠢᠭᠦᠦ ᠨᠢ ᠬᠦᠬᠡᠷᠡᠵᠦ ᠬᠠᠪᠤᠳᠤᠭᠰᠠᠨ ᠦᠭᠡᠢ᠃ | 9. ᠴᠡᠭᠡᠵᠢ ᠶᠢᠨ ᠬᠡᠰᠡᠭ᠄ ᠵᠢᠷᠦᠬᠡ ᠠᠭᠤᠰᠬᠢᠨ ᠤ ᠠᠵᠢᠯᠯᠠᠭᠠ ᠨᠢ ᠬᠡᠪ ᠤᠨ ᠪᠠᠶᠢᠳᠠᠯ ᠲᠠᠢ ︵ᠵᠢᠷᠦᠬᠡ ᠶᠢᠨ | ᠮᠠᠬᠠᠪᠤᠳ ᠤᠨ ᠴᠢᠨᠡᠷᠲᠦ ᠱᠤᠤᠬᠢᠶᠠᠨ ᠨᠢ ᠬᠡᠪ ᠤᠨ ᠪᠠᠶᠢᠳᠠᠯ ᠳᠤ ᠪᠠᠭᠲᠠᠨᠠ︶᠃ | 10. ᠬᠡᠪᠡᠯᠢ ᠶᠢᠨ ᠬᠡᠰᠡᠭ᠄ ᠬᠡᠪᠡᠯᠢ ᠲᠡᠭᠰᠢ ᠵᠦᠭᠡᠯᠡᠨ᠂ ᠬᠠᠪᠤᠳᠠᠷ ᠦᠭᠡᠢ᠂ ᠬᠦᠨᠳᠡᠭᠦᠷᠢ ᠦᠭᠡᠢ᠂ ᠡᠯᠢᠭᠡ | ᠳᠡᠯᠢᠭᠦᠦ ᠨᠢ ᠬᠠᠪᠤᠳᠠᠷ ᠦᠭᠡᠢ᠃ | ᠳᠡᠭᠡᠷᠡᠬᠢ ᠪᠠᠷᠢᠮᠵᠢᠶᠠ ᠳᠤ ᠨᠡᠶᠢᠴᠡᠭᠰᠡᠨ ᠡᠷᠬᠡᠲᠦ ᠠᠷᠠᠳ ᠴᠢᠰᠤ ᠬᠠᠨᠳᠢᠪᠯᠠᠵᠤ ᠪᠤᠯᠤᠨᠠ᠃ | ᠴᠢᠰᠤ ᠬᠠᠨᠳᠢᠪᠯᠠᠬᠤ ᠠᠴᠠ ᠡᠮᠦᠨᠡ ᠶᠠᠮᠠᠷ ᠪᠡᠯᠡᠳᠬᠡᠯ ᠬᠢᠬᠦ ᠬᠡᠷᠡᠭᠲᠡᠢ ᠪᠤᠢ︖ | ᠬᠡᠷᠪᠡ ᠲᠠᠨ ᠤ ᠡᠷᠡᠭᠦᠯ ᠴᠢᠬᠢᠷᠠᠭ ᠤᠨ ᠪᠠᠶᠢᠴᠠᠭᠠᠯᠲᠠ ᠴᠢᠨᠢ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠪᠠᠷᠢᠮᠵᠢᠶᠠ ᠳᠤ ᠨᠡᠶᠢᠴᠡᠵᠦ | ᠴᠢᠰᠤ ᠬᠠᠨᠳᠢᠪᠯᠠᠬᠤ ᠳᠤ ᠬᠦᠷᠪᠡᠯ᠂ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠠᠴᠠ ᠡᠮᠦᠨᠡ᠂ ᠲᠤᠤᠷᠠᠬᠢ ᠪᠡᠯᠡᠳᠬᠡᠯ ᠢ ᠬᠢᠭᠡᠷᠡᠢ᠄ | 1. ᠴᠢᠰᠤ ᠬᠠᠨᠳᠢᠪᠯᠠᠬᠤ ᠲᠤᠬᠠᠢ ᠮᠡᠳᠡᠯᠭᠡ ᠶᠢ ᠰᠤᠷᠤᠯᠴᠠᠨ᠂ ᠪᠠᠴᠢᠮᠳᠠᠬᠤ ᠰᠡᠳᠬᠢᠯᠭᠡ ᠪᠠᠨ ᠦᠭᠡᠶᠢᠰᠬᠡᠨᠡ᠃ | | 2. ᠴᠢᠰᠤ ᠬᠠᠨᠳᠢᠪᠯᠠᠬᠤ ᠠᠴᠠ ᠡᠮᠦᠨᠡ ᠡᠮ ᠤᠤᠭᠤᠵᠤ ᠪᠤᠯᠬᠤ ᠦᠭᠡᠢ᠃ ᠠᠰᠫᠢᠷᠢᠨ ᠤᠤᠭᠤᠭᠰᠠᠨ ᠤ | ᠳᠠᠷᠠᠭᠠ 3 ᠡᠳᠦᠷ ᠤᠨ ᠳᠤᠲᠤᠷᠠ ᠴᠢᠰᠤᠨ ᠤ ᠢᠯᠳᠠᠰᠤ ᠶᠢᠨ ᠵᠠᠷᠢᠮ ᠴᠢᠳᠠᠮᠵᠢ ᠳᠤᠷᠤᠭᠰᠢᠯᠠᠨᠠ᠂ ᠡᠶᠢᠮᠦ ᠠᠴᠠ | ᠴᠢᠰᠤ ᠬᠠᠨᠳᠢᠪᠯᠠᠬᠤ ᠠᠴᠠ 3 ᠡᠳᠦᠷ ᠤᠨ ᠡᠮᠦᠨᠡ ᠡᠮ ᠤᠤᠭᠤᠵᠤ ᠪᠤᠯᠬᠤ ᠦᠭᠡᠢ᠃ | 3. ᠦᠭᠡᠬᠦ ᠲᠤᠰᠤ ᠪᠠᠭᠠ ᠢᠳᠡᠬᠦ ᠬᠡᠷᠡᠭᠲᠡᠢ᠃ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠠᠴᠠ ᠡᠮᠦᠨᠡ ᠨᠢᠭᠡ ᠡᠳᠦᠷ ᠪᠠ ᠲᠤᠰ | ᠡᠳᠦᠷ ᠳᠠᠳᠬᠠᠯ ᠶᠤᠰᠤᠭᠠᠷ ᠬᠤᠭᠤᠯᠠᠯᠨᠠ᠂ ᠭᠡᠪᠡᠴᠦ ᠦᠭᠡᠬᠦ ᠲᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠪᠠᠭᠠ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | | 4. ᠠᠷᠢᠬᠢ ᠤᠤᠭᠤᠬᠤ ᠦᠭᠡᠢ᠂ ᠤᠨᠴᠠᠭᠠᠶᠢᠯᠠᠨ ᠲᠤᠭᠰᠢᠨ ᠬᠠᠷᠠ ᠤᠤᠭᠤᠵᠤ ᠪᠤᠯᠬᠤ ᠦᠭᠡᠢ᠃ | 5. ᠭᠦᠢᠴᠡᠳ ᠤᠨᠲᠠᠵᠤ ᠠᠮᠠᠷᠠᠨ᠂ ᠰᠢᠷᠦᠭᠦᠨ ᠬᠦᠳᠡᠯᠭᠡᠭᠡᠨ ᠳᠤ ᠤᠷᠤᠯᠴᠠᠵᠤ ᠪᠤᠯᠬᠤ ᠦᠭᠡᠢ᠃ | ᠮᠠᠨ ᠤ ᠤᠯᠤᠰ ᠤᠨ ᠡᠷᠬᠡᠲᠦ ᠠᠷᠠᠳ ᠤᠨ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠳᠤ ᠤᠷᠤᠯᠴᠠᠬᠤ ᠬᠠᠤᠯᠢ ᠳᠤ | ᠲᠤᠭᠲᠠᠭᠠᠭᠰᠠᠨ ᠨᠠᠰᠤᠨ ᠤ ᠬᠢᠵᠠᠭᠠᠷ ᠨᠢ ᠬᠡᠳᠦᠢ ᠪᠤᠢ︖ | 《 ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤᠨ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠬᠠᠤᠯᠢ 》 ᠶᠢᠨ | ᠲᠤᠭᠲᠠᠭᠠᠯ ᠳᠤ᠄ 《 ᠤᠯᠤᠰ ᠠᠴᠠ 18-55 ᠪᠦᠬᠦᠯᠢ ᠨᠠᠰᠤᠨ ᠤ ᠡᠷᠡᠭᠦᠯ ᠡᠷᠬᠡᠲᠦ ᠠᠷᠠᠳ ᠤᠨ ᠰᠠᠶᠢᠨ | ᠳᠤᠷᠠ ᠠᠴᠠ ᠪᠠᠨ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠶᠢ ᠤᠷᠢᠶᠠᠯᠠᠨᠠ᠃ 》 ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠠᠰᠤᠨ ᠤ ᠬᠢᠵᠠᠭᠠᠷ ᠤᠨ | ᠲᠤᠬᠠᠢ᠂ ᠡᠯᠡ ᠤᠯᠤᠰ ᠤᠨ ᠲᠤᠭᠲᠠᠭᠠᠯ ᠠᠳᠠᠯᠢ ᠦᠭᠡᠢ᠂ ᠮᠠᠨ ᠤ ᠤᠯᠤᠰ ᠤᠨ ᠡᠯᠡ ᠮᠤᠵᠢ᠂ ᠬᠤᠲᠠ ᠶᠢᠨ | ᠲᠤᠭᠲᠠᠭᠠᠯ ᠪᠠᠰᠠ ᠵᠦᠷᠢᠶᠡ ᠲᠠᠢ᠃ 《 ᠴᠢᠰᠤ ᠬᠠᠨᠳᠢᠪᠯᠠᠬᠤ ᠬᠠᠤᠯᠢ 》 ᠶᠢᠨ ᠲᠤᠭᠲᠠᠭᠠᠯ ᠨᠢ ᠮᠠᠨ ᠤ | ᠤᠯᠤᠰ ᠤᠨ ᠡᠷᠬᠡᠲᠦ ᠠᠷᠠᠳ ᠤᠨ ᠪᠡᠶᠡ ᠶᠢᠨ ᠬᠡᠪ ᠴᠢᠨᠠᠷ ᠪᠠ ᠴᠢᠰᠤ ᠬᠡᠷᠡᠭᠰᠡᠬᠦ ᠱᠠᠭᠠᠷᠳᠠᠯᠭᠠ ᠶᠢ ᠬᠠᠩᠭᠠᠬᠤ ᠵᠡᠷᠭᠡ | ᠡᠯᠧᠮᠧᠨ᠋ᠲ ᠠᠴᠠ ᠲᠤᠭᠲᠠᠭᠠᠭᠳᠠᠵᠠᠢ᠃ 18 ᠪᠦᠬᠦᠯᠢ ᠨᠠᠰᠤ ᠪᠤᠯ ᠮᠠᠨ ᠤ ᠤᠯᠤᠰ ᠤᠨ ᠪᠦᠷᠢᠨ ᠦᠢᠯᠡ | ᠠᠵᠢᠯᠯᠠᠭᠠ ᠶᠢᠨ ᠴᠢᠳᠠᠪᠤᠷᠢ ᠲᠠᠢ ᠬᠦᠮᠦᠨ ᠤ ᠨᠠᠰᠤᠨ ᠤ ᠬᠢᠵᠠᠭᠠᠷ ᠪᠤᠯᠤᠨᠠ᠂ ᠲᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠴᠢᠰᠤ | ᠬᠠᠨᠳᠢᠪᠯᠠᠬᠤ ᠪᠤᠯ ᠡᠷᠬᠡᠲᠦ ᠠᠷᠠᠳ ᠤᠨ ᠰᠠᠶᠢᠨ ᠳᠤᠷᠠ ᠶᠢᠨ ᠠᠵᠢᠯᠯᠠᠭᠠ ᠮᠦᠨ᠂ ᠪᠦᠷᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢᠨ | ᠴᠢᠳᠠᠪᠤᠷᠢ ᠲᠠᠢ ᠬᠦᠮᠦᠨ ᠦᠪᠡᠷ ᠢᠶᠠᠨ ᠰᠢᠢᠳᠪᠦᠷᠢ ᠭᠠᠷᠭᠠᠨᠠ᠂ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠬᠠᠤᠯᠢ ᠶᠢᠨ ᠲᠤᠭᠲᠠᠭᠠᠯ ᠳᠤ | 18 ᠨᠠᠰᠤ ᠪᠤᠯ ᠲᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠴᠢᠰ ᠬᠠᠨᠳᠢᠪᠯᠠᠬᠤ ᠬᠠᠮᠤᠭ ᠲᠤᠤᠷᠠ ᠨᠠᠰᠤᠨ ᠤ ᠬᠢᠵᠠᠭᠠᠷ ᠪᠤᠯᠤᠨᠠ᠂ | ᠮᠠᠨ ᠤ ᠤᠯᠤᠰ ᠤᠨ ᠪᠤᠰᠤᠳ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠲᠤᠭᠲᠠᠭᠠᠯ ᠲᠠᠢ ᠨᠢᠭᠡᠲᠦᠯ ᠲᠠᠢ᠃ ᠮᠠᠨ ᠤ ᠤᠯᠤᠰ ᠤᠨ | ᠡᠷᠬᠡᠲᠦ ᠠᠷᠠᠳ ᠤᠨ ᠪᠡᠶᠡ ᠶᠢᠨ ᠪᠠᠶᠢᠳᠠᠯ ᠪᠠ ᠡᠯᠡ ᠭᠠᠵᠠᠷ ᠤᠨ ᠪᠠᠶᠢᠳᠠᠯ ᠢ ᠪᠤᠳᠤᠯᠬᠢᠯᠠᠨ᠂ ᠬᠠᠤᠯᠢ ᠶᠢᠨ | ᠲᠤᠭᠲᠠᠭᠠᠯ ᠳᠤ 55 ᠪᠦᠬᠦᠯᠢ ᠨᠠᠰᠤ ᠪᠤᠯ ᠲᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠬᠠᠮᠤᠭ ᠳᠡᠭᠡᠲᠦ ᠨᠠᠰᠤᠨ ᠤ | ᠬᠢᠵᠠᠭᠠᠷ ᠪᠤᠯᠤᠨᠠ᠃ ᠭᠡᠪᠡᠴᠦ ᠬᠠᠤᠯᠢ ᠶᠢᠨ ᠲᠤᠭᠲᠠᠭᠠᠯ ᠳᠠᠬᠢ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠨᠠᠰᠤᠨ ᠤ ᠬᠢᠵᠠᠭᠠᠷ ᠨᠢ | ᠵᠦᠪᠬᠡᠨ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠡᠩ ᠤᠨ ᠲᠤᠭᠲᠠᠭᠠᠯ ᠪᠤᠯᠤᠨᠠ᠂ ᠨᠠᠰᠤᠨ ᠤ ᠬᠢᠵᠠᠭᠠᠷ ᠨᠢ ᠬᠡᠲᠦᠷᠡᠪᠡᠯ ᠴᠢᠰᠤ | ᠬᠠᠨᠳᠢᠪᠯᠠᠵᠤ ᠪᠤᠯᠬᠤ ᠦᠭᠡᠢ ᠭᠡᠰᠡᠨ ᠦᠭᠡ ᠪᠢᠰᠢ ᠶᠤᠮ᠃ |