| | ᠲᠤᠰ ᠰᠦᠯᠵᠢᠶᠡᠨ ᠤ ᠪᠠᠨ ︽ᠨᠤᠮ ᠬᠡᠪᠯᠡᠯ︾ ᠪᠤᠯᠤᠩ ᠳᠠᠭᠠᠨ ᠴ᠊᠂ ᠯᠤᠳᠤᠶᠢᠳᠠᠮᠪᠠ ᠶᠢᠨ ︽ᠲᠤᠩᠭᠠᠯᠠᠭ | ᠲᠠᠮᠢᠷ︾ ᠷᠤᠮᠠᠨ ᠢ ᠲᠠᠨᠢᠯᠴᠠᠭᠤᠯᠤᠶᠠ ᠭᠡᠮᠡᠨ ᠤᠯᠠᠨ ᠬᠤᠨᠤᠭ ᠪᠤᠳᠤᠯ ᠪᠤᠯᠤᠭᠰᠠᠨ ᠴᠦ ᠤᠯᠳᠤᠢ ᠪᠢ ᠡᠨᠡ ᠬᠦ | ᠰᠢᠯᠢᠳᠡᠭ ᠷᠤᠮᠠᠨ ᠳᠤ ᠲᠤᠬᠢᠲᠠᠢ ᠰᠠᠶᠢᠬᠠᠨ ᠲᠠᠨᠢᠯᠴᠠᠭᠤᠯᠭᠠ ᠬᠢᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠭᠠᠷ ᠡᠳᠦᠭᠡ | ᠬᠦᠷᠦᠭᠰᠡᠨ ᠪᠢᠯᠡ᠃ ᠡᠨᠡ ᠬᠦ ᠷᠤᠮᠠᠨ ᠢ ᠪᠢ ᠬᠡᠦᠬᠡᠳ ᠦᠶᠡ ᠶᠢᠨ ᠰᠤᠨᠢᠭᠤᠴᠢ ᠵᠠᠩ ᠢᠶᠠᠷ ︽ᠵᠠᠯᠭᠠᠭᠠᠳ ᠶᠠᠭᠠᠬᠢᠬᠤ | ᠶᠤᠮ ᠪᠤᠯ︖︾ ᠭᠡᠵᠦ ᠦᠯᠢᠭᠡᠷ ᠤᠨ ᠦᠢᠯᠡ ᠶᠠᠪᠤᠳᠠᠯ ᠳᠤ ᠬᠦᠲᠦᠯᠦᠭᠳᠡᠨ ᠤᠩᠰᠢᠵᠤ ᠪᠠᠶᠢᠭᠰᠠᠨ᠂ ᠵᠠᠯᠠᠭᠤ | ᠨᠠᠰᠤᠨ ᠤ ᠭᠡᠨᠡᠨ ᠤᠬᠠᠭᠠᠨ ᠢᠶᠠᠷ ᠲᠤᠩᠭᠠᠨ ᠤᠩᠰᠢᠵᠤ ᠪᠠᠶᠢᠭᠰᠠᠨ᠂ ᠲᠠᠨᠢᠯᠴᠠᠭᠤᠯᠭᠠ ᠬᠢᠬᠦ ᠶᠢᠨ ᠲᠤᠯᠠ ᠲᠠᠬᠢᠨ | ᠰᠢᠷᠭᠠᠭᠠᠵᠤ ᠦᠵᠡᠬᠦ ᠳᠡᠭᠡᠨ ︽ᠰᠠᠶᠢᠬᠠᠨ ᠡ᠂ ᠭᠤᠶᠤ ᠪᠢᠴᠢᠵᠡᠢ᠂ ᠤᠯᠠᠨ ᠳᠦᠷᠢ ᠶᠢ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ | ᠠᠮᠢᠳᠤᠯᠢᠭ ᠪᠦᠲᠦᠭᠡᠵᠡᠢ᠂ ᠰᠤᠩᠭᠤᠳᠠᠭ ᠬᠡᠯᠡᠯᠭᠡ ᠤᠯᠠᠨ ᠶᠤᠮ ᠳ᠋ᠠ᠂ ᠤᠩᠰᠢᠭᠠᠳ ᠪᠠᠶᠢᠮᠠᠷ ᠰᠠᠨᠠᠭᠳᠠᠭᠠᠳ ᠪᠠᠶᠢᠳᠠᠭ | ᠳ᠋ᠠ︾ ᠭᠡᠬᠦ ᠠᠴᠠ ᠦᠭᠡᠷᠡ ᠤᠯᠢᠭᠲᠠᠢ ᠦᠭᠡ ᠤᠯᠵᠤ ᠪᠢᠴᠢᠵᠦ ᠴᠢᠳᠠᠭᠠ ᠦᠭᠡᠢ ᠤᠴᠢᠷ ᠠᠴᠠ ︽ᠵᠠᠪ ᠤᠯᠵᠤ | ᠵᠠᠪᠠᠯ ᠤᠩᠰᠢᠭᠠᠷᠠᠢ︾ ᠭᠡᠵᠦ ᠰᠠᠨᠠᠭᠤᠯᠤᠭᠠᠳ ᠨᠠ᠊᠂ ᠡᠩᠬᠡᠲᠤᠭᠲᠠᠬᠤ ᠭᠤᠸᠠᠢ ᠶᠢᠨ ︽ᠲᠤᠩᠭᠠᠯᠠᠭ ᠲᠠᠮᠢᠷ ᠤᠨ | ᠤᠰᠤᠨ︾ ᠨᠠᠶᠢᠷᠠᠭᠯᠠᠯ ᠢᠶᠠᠷ ᠰᠢᠯᠢᠳᠡᠭ ᠷᠤᠮᠠᠨ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠲᠤ ᠲᠤᠪᠴᠢ ᠲᠠᠨᠢᠯᠴᠠᠭᠤᠯᠭᠠ ᠪᠤᠯᠭᠠᠯᠠ᠃ | ᠲᠠᠭᠠᠯᠠᠨ ᠪᠤᠯᠭᠤᠭᠠᠨᠠᠤ︖ | | | | | | ᠲᠤᠩᠭᠠᠯᠠᠭ ᠲᠠᠮᠢᠷ ᠤᠨ ᠤᠰᠤᠨ | | ᠨᠠ᠊᠂ ᠡᠩᠬᠡᠲᠤᠭᠲᠠᠬᠤ | | ᠴᠠᠬᠢᠭᠤᠷ ᠲᠡᠮᠦᠷ | | ᠠᠷᠤ ᠶᠢᠨ ᠬᠦᠪᠴᠢ᠂ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠢᠶᠠᠨ ᠲᠦᠰᠢᠵᠦ | ᠠᠮᠢᠳᠤ ᠶᠢᠨ ᠬᠤᠷᠸᠠ ᠶᠢ ᠬᠠᠪᠤᠭᠰᠠᠨ | ᠢᠲᠡᠭᠡᠯ ᠤᠨ ᠨᠢᠭᠡᠨ ᠦᠨᠳᠦᠷ | ᠠᠲᠠᠭᠠᠲᠠᠨ ᠢᠶᠠᠨ ᠬᠦᠷᠲᠡᠯᠡ ᠠᠭᠤᠴᠢᠯᠠᠵᠤ | ᠠᠮᠠᠨ ᠳᠤᠨᠢ ᠴᠢᠰᠤ ᠠᠮᠲᠠᠭᠰᠢᠬᠤ ᠶᠢᠨ ᠬᠠᠷᠢᠭᠤ ᠳᠤ | ᠡᠶᠢᠮᠦ ᠯᠡ ᠳᠤᠷᠤᠢ ᠡᠷᠡ ᠦᠦ ᠭᠡᠵᠦ ᠪᠠᠰᠤᠮᠵᠢᠯᠠᠭᠰᠠᠨ | ᠡᠷᠡ ᠰᠢᠭ ᠡᠷᠡ | ᠡᠷᠡᠮᠡᠬᠡᠶᠢᠯᠡᠵᠦ | ᠡᠷᠲᠡ ᠶᠢᠨ ᠨᠠᠷᠠ ᠶᠢ | ᠠᠭᠲᠠ ᠶᠢᠨ ᠳᠡᠯ ᠳᠡᠭᠡᠷᠡ ᠡᠷᠭᠦᠵᠦ | ᠡᠷᠡ ᠬᠦᠮᠦᠨ ᠳ᠋ᠠ ᠬᠦ᠋ ᠭᠡᠵᠦ | ᠡᠷᠳᠡᠨᠢ ᠵᠠᠰᠠᠭ ᠤᠨ ᠤᠨᠠᠭᠠ ᠪᠠᠨ | ᠠᠭᠤᠯᠠᠰ ᠨᠠᠶᠢᠭᠤᠲᠠᠯᠠ ᠢᠰᠬᠡᠷᠦᠭᠰᠡᠨ | ᠲᠤᠭᠰᠢᠨ ᠲᠠᠶᠢᠰᠢᠷᠢ ᠶᠢᠨ ᠰᠠᠬᠢᠭᠤᠰᠤ | ᠳᠤᠯᠮᠠ ᠪᠠᠨ ᠭᠡᠵᠦ | ᠲᠤᠯ ᠡᠳᠦᠷ ᠤᠳ ᠢᠶᠠᠨ ᠬᠦᠷᠲᠡᠯᠡ ᠠᠰᠠᠭᠠᠭᠰᠠᠨ | ᠠᠯᠠᠭ ᠰᠠᠨᠠᠳᠠᠭ ᠦᠭᠡᠢ ᠦᠨᠡᠨᠴᠢ | ᠠᠮᠠᠷᠠᠭ ᠬᠠᠶᠢᠷᠠ ᠶᠢᠨ ᠰᠠᠨᠰᠠᠷ | ︽ᠭᠡᠷ ᠲᠤ ᠤᠷᠤᠵᠤ | ᠭᠡᠭᠡᠨ ᠳᠤ ᠮᠦᠷᠭᠦᠳᠡᠭ ᠦᠭᠡᠢ︾ | ᠡᠮᠨᠢᠭ ᠬᠡᠭᠡᠷᠡ ᠶᠢᠨ ᠰᠠᠯᠬᠢ | ᠡᠷᠡ ᠬᠦᠮᠦᠨ ᠤ ᠵᠢᠷᠭᠠᠯ ᠢ | ᠠᠭᠲᠠ ᠶᠢᠨ ᠳᠡᠯ ᠳᠡᠭᠡᠷᠡ ᠬᠦᠦᠬᠡᠶᠢᠯᠡᠵᠦ | ᠡᠭᠡᠷᠡᠮᠡ ᠴᠦᠯ ᠤᠨ ᠵᠡᠭᠦᠳᠦ ᠶᠢ | ᠲᠦᠪᠦᠷᠭᠡᠨ ᠤ ᠠᠶᠢᠵᠢᠮ ᠢᠶᠠᠷ ᠰᠡᠷᠢᠭᠡᠵᠦ | ᠰᠢᠭᠤᠷᠭᠠ ᠰᠦᠷᠦᠨ ᠴᠤᠬᠢᠬᠤ | ᠴᠢᠨ᠋ᠸᠠ ᠶᠢᠨ ᠬᠠᠲᠠᠭᠤ ᠰᠢᠨᠳᠠᠰᠤ | ᠶᠠᠯᠠ ᠨᠢᠭᠦᠯ ᠠᠯᠠᠭᠯᠠᠭᠰᠠᠨ | ᠬᠤᠷᠸᠠ ᠶᠢᠨ ᠭᠤᠨᠢᠭᠲᠤ ᠡᠭᠡᠰᠢᠭᠯᠡᠩ | ᠶᠠᠰᠤ ᠵᠢᠭᠠᠵᠤ ᠮᠦᠩᠬᠡᠷᠡᠭᠰᠡᠨ | ᠲᠤᠤᠯᠢ ᠶᠢᠨ ᠨᠢᠭᠡᠨ ᠲᠠᠰᠤᠷᠬᠠᠢ | ᠲᠤᠩᠭᠠᠯᠠᠭ ᠲᠠᠮᠢᠷ ᠤᠨ ᠤᠰᠤᠨ ᠠᠴᠠ | ᠪᠢᠲᠡᠭᠦᠦ ᠪᠠᠷ ᠢᠶᠠᠨ ᠤᠭᠤᠴᠢᠭᠰᠠᠨ ᠪᠠᠶᠠᠰᠤᠯ | ᠳᠤᠮᠤᠭ ᠢᠶᠠᠷ ᠦᠪᠡᠷ ᠢ ᠪᠠᠨ ᠪᠠᠬᠢᠯᠡᠭᠰᠡᠨ | ᠵᠢᠷᠭᠠᠯᠲᠤ ᠲᠦᠮᠡᠨ ᠤ ᠡᠬᠢ | ᠴᠠᠶᠢᠯᠭᠠᠨ ᠰᠡᠳᠬᠢᠯ ᠤᠨ ᠮᠠᠩᠯᠠᠢ ᠳᠤ | ᠰᠦ ᠠᠷᠢᠭᠤᠯᠠᠵᠤ ᠳᠡᠪᠢᠭᠰᠡᠨ | ᠰᠦᠵᠦᠭ ᠦᠨᠡᠨ ᠤ ᠬᠤᠷᠤᠢ | ᠰᠠᠯᠬᠢ ᠨᠠᠷᠠ ᠬᠤᠶᠠᠷ | ᠳᠦᠷᠪᠡᠨ ᠴᠠᠭ ᠢᠶᠠᠨ ᠬᠤᠭᠤᠷᠳᠠᠬᠤ ᠳᠤ | ᠽᠠᠮᠪᠤᠯᠢᠩ ᠳᠤ ᠦᠭᠡᠢ ᠬᠤᠩᠭᠤᠷᠬᠠᠨ | ᠦᠷᠯᠦᠭ ᠮᠤᠩᠭᠤᠯ ᠡᠷᠡ ᠁ | | ᠡᠷᠳᠡᠨᠢ | | ᠦᠷᠯᠦᠭᠡ ᠪᠤᠯᠭᠠᠨ ᠰᠠᠴᠤᠯᠢ ᠪᠠᠨ | ᠬᠠᠨ ᠲᠠᠶᠢᠰᠢᠷᠢ ᠳᠠᠭᠠᠨ ᠡᠷᠭᠦᠳᠡᠭ | ᠦᠷᠦᠭᠡᠯ ᠤᠨ ᠨᠤᠲᠤᠭ ᠢᠶᠠᠷ ᠴᠠᠭᠠᠴᠢᠯᠠᠭᠰᠠᠨ | ᠰᠡᠳᠬᠢᠯ ᠳᠡᠭᠡᠨ ᠲᠠᠮᠢᠷ ᠲᠠᠢ ᠡᠷᠡ | ᠪᠤᠭᠳᠠ ᠶᠢᠨ ᠳᠦᠯᠭᠡᠨ ᠳᠤ ᠵᠠᠬᠢᠷᠤᠭᠳᠠᠭᠰᠠᠨ | ᠬᠤᠪᠢ ᠵᠠᠶᠠᠭᠠᠨ ᠤ ᠪᠠᠨ ᠪᠤᠭᠤᠯ | ᠪᠤᠭᠤᠯᠠᠭᠠ ᠨᠢ ᠬᠦᠨᠳᠦ ᠠᠮᠢᠳᠤᠷᠠᠯ ᠤᠨ ᠭᠤᠷᠢᠶᠠ ᠪᠠᠷ | ᠪᠤᠳᠤᠯ ᠳᠤ ᠳᠠᠷᠤᠭᠳᠠᠨ ᠱᠤᠭᠰᠢᠵᠤ | ᠬᠦᠯᠢᠴᠡᠵᠦ ᠴᠢᠳᠠᠭᠠ ᠦᠭᠡᠢ ᠳᠤᠷᠤᠮᠵᠢᠯᠠᠯ ᠤᠨ ᠡᠰᠡᠷᠭᠦᠦ | ᠬᠦᠭᠡᠷᠦᠬᠦᠢ ᠳᠤᠯᠭᠠᠷ ᠢ ᠬᠦᠮᠦᠨ ᠤ ᠨᠤᠲᠤᠭ ᠲᠤ ᠤᠷᠬᠢᠭᠰᠠᠨ | ᠬᠠᠲᠠᠭᠤ ᠰᠠᠨᠠᠭᠠᠨ ᠤ ᠤᠷᠭᠢᠯ | ᠴᠠᠶᠢᠯᠭᠠᠨ ᠰᠡᠳᠬᠢᠯ ᠤᠨ ᠲᠤᠳᠤᠭᠤᠨ ᠳᠤ | ᠴᠢᠰᠤ ᠠᠮᠲᠠᠯᠠᠭᠳᠠᠬᠤ ᠶᠢᠨ ᠬᠠᠷᠢᠭᠤ ᠳᠤ | ᠴᠠᠭ ᠵᠠᠭᠤᠷᠠ ᠶᠢᠨ ᠬᠢᠯᠢᠩ ᠢᠶᠠᠷ | ᠪᠦᠬᠦ ᠠᠮᠢᠳᠤᠷᠠᠯ ᠢᠶᠠᠨ ᠨᠤᠷᠠᠭᠠᠭᠰᠠᠨ | ᠵᠦᠭ ᠢᠶᠠᠨ ᠠᠯᠳᠠᠭᠰᠠᠨ ᠵᠦᠭᠯᠡᠭᠦᠷ | ᠪᠦᠷᠬᠦᠭᠡᠰᠦ ᠰᠢᠭ ᠪᠠᠷᠠᠭᠠᠨ ᠲᠡᠭᠷᠢ ᠪᠠᠷ ᠨᠢ | ᠰᠤᠯᠢᠷ ᠵᠤᠷᠠᠨ ᠭᠢᠯᠠᠰᠬᠤ ᠳᠤ | ᠫᠤᠤ ᠠᠳᠬᠤᠵᠤ ᠪᠤᠰᠤᠭᠰᠠᠨ ︽ᠬᠠᠭᠤᠴᠢᠨ ᠬᠦᠦ︾ | ᠬᠠᠯᠠ ᠵᠢᠷᠭᠠᠯ ᠤᠨ ᠬᠠᠭᠤᠳᠠᠰᠤᠨ ᠠᠴᠠ | ᠦᠪᠡᠷ ᠢ ᠪᠠᠨ ᠰᠢᠭᠤᠷᠬᠠᠢ ᠲᠠᠨᠢᠵᠤ | ᠬᠠᠷᠢ ᠶᠢᠨ ᠳᠦᠷᠢᠮᠡᠬᠡᠶᠢᠯᠡᠯ ᠤᠨ ᠡᠰᠡᠷᠭᠦᠦ | ᠴᠢᠰᠤ ᠪᠠᠷ ᠢᠶᠠᠨ ᠠᠨᠳᠠᠭᠠᠶᠢᠯᠠᠭᠰᠠᠨ ᠡᠷᠡ | ᠬᠠᠶᠢᠷᠠ ᠶᠢᠨ ᠮᠦᠩᠬᠡ ᠦᠯᠢᠭᠡᠷ ᠢ | ᠲᠤᠤᠯᠢ ᠵᠠᠯᠭᠠᠵᠤ ᠰᠢᠷᠤᠩᠬᠠᠶᠢᠯᠠᠭᠰᠠᠨ | ᠬᠠᠮᠤᠭ ᠦᠨᠡᠨᠴᠢ ᠬᠤᠶᠠᠷ ᠬᠡᠦᠬᠡᠨ ᠢ | ᠦᠪᠡᠷ ᠤᠨ ᠢᠶᠠᠨ ᠲᠦᠯᠦᠭᠡ ᠦᠷᠡᠭᠳᠡᠭᠦᠯᠵᠦ | ᠲᠤᠩᠭᠠᠯᠠᠭ ᠲᠠᠮᠢᠷ ᠤᠨ ᠬᠦᠨᠳᠡᠢ ᠪᠠᠷ | ᠪᠤᠳᠤᠯ ᠳᠤ ᠳᠠᠷᠤᠭᠳᠠᠨ ᠱᠤᠭᠰᠢᠵᠤ | ᠲᠤᠯᠭᠠᠭᠤᠷᠢ ᠮᠤᠩᠭᠤᠯ ᠵᠠᠰᠠᠭ ᠲᠠᠭᠠᠨ | ᠦᠨᠡᠨᠴᠢ ᠵᠢᠳᠬᠦᠵᠦ ᠠᠮᠢᠳᠤᠷᠠᠭᠰᠠᠨ | ᠦᠷᠡᠭᠳᠡᠯ ᠪᠦᠬᠦᠨ ᠢᠶᠠᠷ ᠢᠶᠠᠨ | ᠦᠨᠦᠳᠦᠷ ᠢᠶᠠᠨ ᠪᠢᠴᠢᠭᠯᠡᠭᠰᠡᠨ ᠬᠤᠸᠠᠩᠯᠢ | ᠦᠨᠢ ᠶᠢᠨ ᠤᠭᠠᠢ ᠲᠠᠢ ᠳᠡᠭᠡᠪᠦᠷ ᠢ ᠪᠠᠨ | ᠡᠷᠬᠡ ᠴᠢᠯᠦᠭᠡ ᠪᠠᠷ ᠪᠠᠬᠢᠯᠡᠵᠦ | ᠵᠢᠷᠭᠠᠯ ᠤᠨ ᠲᠤᠶᠠᠭᠠ ᠲᠠᠢ | ᠵᠢᠪᠬᠤᠯᠠᠩ ᠦᠷ ᠢ ᠪᠠᠨ ᠳᠠᠭᠤᠯᠠᠭᠰᠠᠨ | ᠵᠢᠷᠤᠬᠠᠶᠢᠴᠢ ᠮᠡᠷᠭᠡᠨ ᠤ ᠤᠨᠤᠪᠴᠢᠨ ᠳᠠᠬᠢ | ᠰᠢᠨᠡ ᠵᠠᠰᠠᠭ ᠤᠨ ᠡᠷᠳᠡᠨᠢ︕ | | ᠢᠲᠡᠭᠡᠯᠲᠦ | | ᠵᠠᠯᠢ ᠪᠠᠷ ᠠᠮᠢᠰᠬᠤᠯᠯᠠᠭᠰᠠᠨ ᠬᠠᠷᠠᠴᠤ | ᠵᠠᠭᠠᠷᠲᠤ ᠰᠤᠮᠤᠨ ᠤ ᠦᠵᠦᠭᠦᠷ ᠲᠤ ᠬᠠᠳᠠᠭ ᠲᠠᠲᠠᠨ ᠵᠤᠯᠭᠠᠳᠠᠭ | ᠡᠪ ᠢᠶᠠᠷ ᠭᠠᠳᠠᠷᠯᠠᠵᠤ ᠬᠠᠯᠠ ᠪᠠᠷ ᠲᠤᠲᠤᠷᠯᠠᠭᠰᠠᠨ | ᠬᠠᠷᠠᠴᠤ ᠢᠵᠠᠭᠤᠷ ᠤᠨ ᠪᠠᠶᠠᠨ | ᠡᠪᠯᠡᠭᠦᠯᠦᠭᠰᠡᠨ ᠪᠦᠬᠦᠨ ᠤ ᠪᠠᠨ ᠴᠢᠮᠦᠭᠡ ᠶᠢ ᠨᠢ ᠬᠦᠷᠲᠡᠯᠡ ᠰᠤᠷᠤᠳᠠᠭ | ᠬᠠᠷᠠ ᠰᠠᠨᠠᠭᠠᠨ ᠤ ᠪᠤᠭᠤᠮᠢ | ᠦᠪᠡᠷ ᠤᠨ ᠢᠶᠠᠨ ᠲᠦᠯᠦᠭᠡ ᠠᠮᠢᠳᠤᠷᠠᠭᠰᠠᠨ | ᠬᠤᠪᠢᠨᠴᠢᠷ ᠠᠲᠠᠭᠠᠨ ᠤ ᠲᠤᠶᠢᠯ | ᠲᠠᠶᠢᠵᠢ ᠯᠠᠮᠠ ᠨᠠᠷ ᠤᠨ ᠤᠷᠠᠬᠠᠨ ᠳᠤ | ᠪᠤᠭᠤᠮᠢᠯᠠᠭᠳᠠᠭᠠ ᠦᠭᠡᠢ ᠡᠮᠨᠢᠭ | ᠲᠠᠮᠢᠷ ᠤᠨ ᠭᠤᠤᠯ ᠤᠨ ᠤᠰᠤ ᠶᠢ ᠰᠢᠨᠤᠬᠠᠢ ᠪᠢᠲᠡᠭᠦᠦ ᠪᠠᠷ ᠤᠭᠤᠴᠢᠵᠤ | ᠤᠭᠰᠠᠭᠠ ᠲᠠᠢ ᠬᠦᠮᠦᠨ ᠳᠤ ᠬᠤᠷᠤᠰᠴᠤ | ᠤᠬᠠᠭᠠᠨ ᠲᠠᠢ ᠠᠮᠢᠳᠤᠷᠠᠭᠰᠠᠨ ᠳᠠᠭᠠᠨ ᠪᠠᠶᠠᠰᠤᠭᠰᠠᠨ | ᠦᠷᠦᠭᠡᠯ ᠢ ᠵᠠᠯᠭᠢᠬᠤ ᠭᠡᠵᠦ | ᠦᠪᠡᠷ ᠢ ᠪᠠᠨ ᠢᠷᠯᠡᠭᠰᠡᠨ | ᠦᠨᠡᠭᠡ ᠰᠢᠭ ᠬᠤᠯᠵᠢᠨ ᠠᠭᠠᠳ ᠴᠢᠨ᠋ᠸᠠ ᠰᠢᠭ᠋ ᠬᠡᠷᠴᠡᠭᠡᠢ | ᠦᠩᠭᠡᠷᠡᠭᠰᠡᠨ ᠯᠤᠤ ᠭᠦᠩ ᠤᠨ ᠪᠠᠶᠠᠨ ᠢᠲᠡᠭᠡᠯᠲᠦ | ᠦᠨᠦᠳᠦᠷ ᠤᠨ ᠵᠠᠰᠠᠭ ᠲᠠᠭᠠᠨ ︽ᠰᠢᠳᠤᠷᠭᠤ︾ ᠢᠲᠡᠭᠡᠯᠲᠦ᠃ | | ᠲᠤᠯᠭᠠᠷ | | ᠡᠷᠡ ᠦᠷᠡ ᠬᠤᠶᠠᠷ ᠲᠠᠭᠠᠨ ᠦᠨᠡᠨᠴᠢ ᠶᠠᠪᠤᠶᠠ ᠭᠡᠬᠦᠯᠡ | ᠡᠯᠡ ᠬᠠᠯᠠ ᠲᠠᠢ ᠬᠤᠷᠸᠠ ᠵᠠᠶᠢᠭᠤᠷ ᠪᠠᠶᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ | ᠡᠮᠭᠡᠨᠢᠵᠦ ᠤᠨᠠᠭᠠᠭᠰᠠᠨ ᠨᠢᠯᠪᠤᠰᠤ ᠪᠠᠷ ᠢᠶᠠᠨ | ᠡᠩᠭᠡᠷ ᠢᠶᠠᠨ ᠳᠡᠪᠲᠦᠭᠡᠵᠦ ᠶᠠᠪᠤᠬᠤ ᠳᠤ | ᠡᠷᠡᠰᠲᠡᠬᠦ ᠬᠤᠷᠸᠠ ᠶᠢᠨ ᠵᠤᠪᠠᠯᠠᠩ ᠪᠦᠬᠦᠨ ᠲᠤᠭᠤᠷᠢᠵᠦ ᠭᠠᠷᠤᠭᠰᠠᠨ ᠦᠭᠡᠢ | ᠠᠭᠤᠯᠠ ᠰᠢᠭ᠋ ᠢᠲᠡᠭᠡᠳᠡᠭ ᠨᠦᠬᠦᠷ ᠨᠢ | ᠤᠭᠢᠶᠠᠳᠠᠰᠤ ᠰᠢᠭ᠋ ᠬᠠᠶᠠᠭᠠᠳ ᠶᠠᠪᠤᠬᠤ ᠳᠤ | ᠤᠯᠠᠭᠠᠨ ᠲᠤᠭᠤᠰᠤ ᠲᠠᠢ ᠤᠷᠴᠢᠯᠠᠩ ᠲᠠᠩᠴᠦ ᠵᠢᠵᠢᠭ ᠰᠠᠨᠠᠭᠳᠠᠭᠰᠠᠨ ᠁ | ᠦᠬᠦᠵᠦ ᠪᠤᠯᠬᠤ ᠪᠠᠶᠢᠭᠰᠠᠨ ᠲᠤᠯᠭᠠᠷ | ᠤᠯᠠᠭᠠᠨ ᠵᠢᠷᠦᠬᠡ ᠶᠢ ᠨᠢ ᠤᠭᠤᠰᠤᠷᠯᠠᠭᠰᠠᠨ | ᠭᠠᠭᠴᠠ ᠦᠷᠡ ᠶᠢᠨ ᠢᠶᠠᠨ ᠲᠦᠯᠦᠭᠡ | ᠦᠢᠯᠡ ᠶᠢᠨ ᠦᠷᠡ ᠲᠠᠢ ᠽᠠᠮᠪᠤᠯᠢᠩ ᠳᠤ | ᠠᠯᠪᠠ ᠶᠢᠨ ᠲᠡᠳᠦᠢ ᠬᠤᠷᠭᠤᠳᠠᠬᠤ ᠳᠤ | ᠰᠦ ᠰᠢᠭ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠢ ᠲᠦᠰᠢᠵᠦ | ᠳᠤᠯᠭᠠᠷ ᠲᠠᠬᠢᠵᠤ ᠠᠮᠢᠳᠤᠷᠠᠭᠰᠠᠨ | ᠰᠦᠬᠡᠷᠬᠦ ᠡᠳᠦᠷ ᠤᠳ ᠤᠨ ᠨᠢᠯᠪᠤᠰᠤ ᠪᠠᠷ | ᠵᠢᠷᠭᠠᠯᠲᠤ ᠡᠷᠦᠬᠡ ᠪᠠᠨ ᠲᠠᠲᠠᠭᠰᠠᠨ ᠴᠦ | ᠬᠠᠲᠠᠭᠤ ᠪᠠᠷ ᠲᠤᠷᠭᠢᠯᠠᠳᠠᠭ ᠬᠤᠷᠸᠠ ᠶᠢᠨ | ᠨᠢᠭᠦᠯᠲᠦ ᠰᠤᠮᠤᠨ ᠳᠤ ᠦᠷᠲᠦᠵᠦ | ᠬᠠᠶᠢᠷᠠᠲᠤ ᠡᠷᠳᠡᠨᠢ ᠶᠢᠨ ᠢᠶᠠᠨ ᠲᠦᠯᠦᠭᠡ | ᠠᠯᠲᠠᠨ ᠠᠮᠢ ᠪᠠᠨ ᠵᠤᠷᠢᠭᠤᠯᠤᠭᠰᠠᠨ | ᠬᠠᠯᠬᠠ ᠶᠢᠨ ᠵᠢᠷᠤᠮᠲᠤ ᠪᠦᠰᠡᠭᠦᠢ ᠶᠢᠨ | ᠡᠴᠦᠰ ᠤᠨ ᠳᠦᠯᠭᠡᠨ ᠠᠮᠢᠰᠬᠤᠭᠠ ᠨᠢ ᠰᠢᠭ᠋ | ᠬᠠᠨ ᠦᠨᠳᠦᠷ ᠤᠨ ᠰᠠᠯᠬᠢ | ᠨᠠᠮ ᠬᠢᠵᠦ ᠵᠤᠭᠰᠤᠭᠰᠠᠨ ᠁ | ᠬᠦᠴᠦ ᠶᠡᠬᠡᠲᠡᠢ ᠵᠤᠪᠠᠯᠠᠩ ᠢ | ᠬᠦᠨᠳᠡᠯᠡᠨ ᠤᠭᠲᠤᠯᠵᠤ ᠭᠠᠷᠬᠤ ᠳᠤ | ᠬᠦᠭᠡᠷᠦᠬᠦᠢ ᠳᠤᠯᠭᠠᠷ ᠤᠨ ᠭᠤᠮᠤᠳᠠᠯ ᠨᠢ ᠴᠦ | ᠬᠦᠴᠦ ᠦᠭᠳᠡᠭ ᠪᠠᠶᠢᠭᠰᠠᠨ | ᠬᠦᠮᠦᠰᠬᠡ ᠰᠢᠲᠠᠮᠠ ᠠᠶᠤᠯ ᠢ | ᠰᠦᠷᠦᠭᠡᠳ ᠴᠠᠰᠢ ᠪᠠᠨ ᠭᠠᠷᠬᠤ ᠳᠤ | ᠬᠦᠢᠲᠡᠨ ᠴᠡᠪᠳᠡᠭ ᠤᠷᠴᠢᠯᠠᠩ | ᠭᠠᠶᠢᠲᠤ ᠭᠠᠷ ᠢᠶᠠᠨ ᠰᠤᠩᠭᠠᠭᠰᠠᠨ | ᠬᠠᠶᠢᠷᠠ ᠶᠢᠨ ᠬᠦᠴᠦᠨ ᠶᠠᠮᠠᠷᠬᠠᠨ ᠠᠭᠤᠤ ᠶᠢ | ᠳᠤᠯᠭᠠᠷ ᠴᠢᠰᠤ ᠪᠠᠷ ᠢᠶᠠᠨ ᠪᠢᠴᠢᠭᠯᠡᠭᠰᠡᠨ | ᠬᠠᠷᠠᠰᠠᠯ ᠭᠤᠮᠤᠳᠠᠯ ᠤᠨ ᠳᠠᠯᠳᠠ ᠶᠢᠨ ᠳᠠᠯᠳᠠ ᠠᠴᠠ | ᠦᠨᠡᠨᠴᠢ ᠬᠠᠶᠢᠷᠠ ᠤᠶᠠᠩᠭᠠᠷᠠᠭᠰᠠᠨ᠃ | | ᠳᠤᠯᠮᠠ | | ᠲᠠᠯᠠ ᠶᠢᠨ ᠴᠡᠴᠡᠭ ᠰᠢᠭ ᠲᠠᠩᠬᠢᠯ | ᠰᠠᠶᠢᠬᠠᠨ ᠪᠦᠰᠡᠭᠦᠢ ᠳᠤᠯᠮᠠ | ᠲᠠᠴᠢᠶᠠᠯ ᠰᠢᠨᠤᠯ ᠤᠨ ᠰᠠᠪᠠᠷ ᠲᠤ | ᠲᠠᠯᠬᠢᠭᠤᠯᠵᠤ ᠶᠠᠪᠤᠭᠰᠠᠨ ᠳᠤᠯᠮᠠ | ᠲᠠᠪᠢᠯᠠᠩ ᠵᠠᠶᠠᠭᠠᠨ ᠤ ᠪᠤᠭᠤᠯ ᠪᠤᠯᠵᠤ | ᠭᠠᠯᠰᠠᠩ ᠤᠨ ᠡᠭᠦᠳᠡᠨ ᠳᠤ ᠵᠦᠳᠡᠷᠡᠨ | ᠲᠠᠩᠬᠠᠢ ᠯᠦᠢᠪᠠᠷᠴᠢᠯᠡᠯ ᠤᠨ ᠭᠠᠴᠢᠯᠠᠩ ᠳᠤ | ᠡᠮᠭᠡᠨᠢᠵᠦ ᠠᠮᠢᠳᠤᠷᠠᠭᠰᠠᠨ ᠳᠤᠯᠮᠠ | ᠦᠨᠡᠨᠴᠢ ᠳᠤᠷᠠᠯᠠᠯ ᠤᠨ ᠬᠢᠨᠢ ᠭᠠᠯ ᠢ | ᠴᠠᠬᠢᠭᠤᠷ ᠲᠡᠮᠦᠷ ᠦᠷᠪᠢᠰᠦᠭᠦᠯᠵᠦ | ᠡᠭᠦᠯᠡ ᠲᠠᠢ ᠵᠠᠶᠠᠭᠠᠨ ᠤ ᠪᠤᠭᠤᠯᠴᠢᠯᠠᠯ ᠠᠴᠠ | ᠳᠤᠯᠮᠠ ᠰᠤᠭᠤᠷᠠᠵᠤ ᠭᠠᠷᠤᠭᠰᠠᠨ | ᠬᠦᠮᠦᠨ ᠰᠢᠭ ᠶᠠᠪᠤᠬᠤ ᠶᠢᠨ ᠪᠠᠶᠠᠨ ᠵᠢᠷᠭᠠᠯ | ᠰᠡᠳᠬᠢᠯ ᠢ ᠨᠢ ᠳᠡᠪᠳᠦᠭᠡᠵᠦ | ᠬᠦᠯᠦᠮᠦᠭ ᠲᠠᠲᠠᠭᠰᠠᠨ ᠬᠠᠲᠠᠭᠤᠬᠠᠨ ᠠᠮᠢᠳᠤᠷᠠᠯ ᠳᠠᠭᠠᠨ | ᠬᠠᠶᠢᠷᠠ ᠲᠦᠰᠢᠵᠦ ᠵᠢᠷᠭᠠᠭᠰᠠᠨ | ᠳᠤᠯᠮᠠ ︿ ᠠᠵᠢᠲᠠᠢ﹀ ᠪᠦᠰᠡᠭᠦᠢ ᠪᠠᠶᠢᠭᠰᠠᠨ ᠁ | ᠳᠤᠷᠠᠯᠠᠯᠲᠤ ᠡᠳᠦᠷ ᠤᠳ ᠤᠨ ᠪᠠᠯ ᠢ | ᠵᠢᠷᠭᠠᠯᠲᠤ ᠢᠨᠢᠶᠠᠳᠤ ᠪᠠᠷ ᠴᠠᠬᠢᠵᠦ | ᠳᠤᠮᠳᠠᠭᠤᠷ ᠰᠡᠳᠬᠢᠯ ᠤᠨ ᠵᠠᠢ ᠪᠠᠨ | ᠮᠦᠷᠦᠭᠡᠳᠦᠯ ᠬᠦᠰᠡᠯ ᠢᠶᠠᠷ ᠳᠦᠭᠦᠷᠭᠡᠵᠦ | ᠬᠠᠲᠠᠨ ᠰᠢᠷᠭᠢᠭᠰᠡᠨ ᠡᠮᠵᠡᠭ ᠰᠡᠳᠬᠢᠯ | ᠦᠨᠡᠨᠴᠢ ᠬᠠᠶᠢᠷᠠ ᠳᠤ ᠤᠶᠠᠰᠴᠤ | ᠬᠠᠯᠬᠠ ᠶᠢᠨ ᠴᠤᠤᠲᠤ ᠡᠷᠡ ᠶᠢᠨ ᠮᠠᠩᠯᠠᠢ ᠲᠠᠢ | ᠦᠰᠦ ᠬᠤᠯᠪᠤᠵᠤ ᠵᠢᠷᠭᠠᠭᠰᠠᠨ | ᠳᠤᠯᠮᠠ ᠵᠢᠷᠭᠠᠯᠲᠤ ᠪᠦᠰᠡᠭᠦᠢ ᠪᠠᠶᠢᠭᠰᠠᠨ ᠁ | ᠳᠤᠤᠯᠢᠮᠠ ᠬᠤᠷᠸᠠ ᠶᠢ ᠤᠶᠠᠰᠬᠠᠭᠰᠠᠨ | ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠤᠨ ᠤᠶᠠᠩᠭᠠ ᠲᠠᠢ | ᠳᠤᠮᠤᠭ ᠰᠢᠭ᠋ ᠦᠨᠡᠨ ᠪᠠᠶᠠᠨ | ᠵᠢᠷᠭᠠᠯ ᠳᠤ ᠤᠮᠪᠠᠵᠤ ᠪᠠᠶᠢᠭᠰᠠᠨ | ᠳᠤᠭᠳᠤᠯᠵᠤ ᠤᠨᠠᠭᠠᠭᠰᠠᠨ ᠨᠢᠯᠪᠤᠰᠤ ᠨᠢ | ᠲᠦᠮᠡᠨ ᠵᠢᠷᠭᠠᠯ ᠢ ᠨᠢ ᠬᠡᠯᠬᠢᠵᠦ | ᠳᠤᠷᠠᠯᠠᠯ ᠬᠠᠶᠢᠷᠠ ᠶᠢᠨ ᠦᠨᠡᠨᠴᠢ ᠲᠤᠶᠠᠭᠠ | ᠡᠷᠦᠬᠡ ᠶᠢ ᠨᠢ ᠲᠠᠲᠠᠳᠠᠭ ᠪᠠᠶᠢᠭᠰᠠᠨ | ᠳᠤᠯᠮᠠ ᠵᠢᠷᠭᠠᠯᠲᠤ ᠪᠦᠯᠢ ᠲᠠᠢ ᠪᠠᠶᠢᠭᠰᠠᠨ ᠁ | ᠰᠠᠷᠬᠤᠳ ᠠᠰᠢᠶᠠᠮᠠ ᠰᠠᠯᠬᠢᠨ ᠤ ᠦᠵᠦᠭᠦᠷ | ᠴᠢᠰᠤ ᠠᠮᠲᠠᠭᠰᠢᠵᠤ | ᠰᠠᠯᠵᠤ ᠬᠠᠭᠠᠴᠠᠬᠤ ᠭᠤᠨᠢᠭᠲᠤ ᠮᠠᠨᠠᠨ | ᠵᠢᠷᠦᠬᠡᠨ ᠳᠤᠨᠢ ᠲᠤᠨᠤᠵᠤ | ᠰᠠᠶᠢᠨ ᠡᠷᠡ ᠲᠡᠮᠦᠷ ᠮᠢᠨᠦ ᠭᠡᠬᠦ | ᠬᠠᠷᠠᠰᠠᠯᠲᠤ ᠬᠠᠰᠬᠢᠷᠦᠯ ᠳᠤ | ᠰᠢᠯᠢ ᠶᠢᠨ ᠪᠤᠭᠳᠠ ᠶᠢᠨ | ᠨᠠᠪᠲᠠᠭ ᠰᠠᠪᠲᠠᠭ ᠨᠢ ᠬᠦᠴᠦ ᠦᠭᠭᠦᠯᠡ | ᠲᠡᠮᠦᠷ ᠤᠨ ᠢᠶᠠᠨ ᠲᠦᠯᠦᠭᠡ ᠭᠡᠬᠦ ᠭᠠᠭᠴᠠ ᠲᠠᠩᠭᠠᠷᠢᠭ | ᠬᠤᠷᠸᠠ ᠶᠢ ᠴᠤᠴᠢᠯᠠᠵᠤ | ᠲᠡᠷᠡ ᠴᠠᠭ ᠠᠴᠠ ᠳᠤᠯᠮᠠ ᠪᠦᠰᠡᠭᠦᠢ | ᠢᠯᠠᠭᠴᠢ ᠤᠯᠤᠭᠰᠠᠨ | ᠲᠡᠮᠡᠴᠡᠯ ᠭᠡᠳᠡᠭ ᠠᠭᠤᠤ ᠲᠤᠭ ᠢ | ᠮᠤᠩᠭᠤᠯ ᠪᠦᠰᠡᠭᠦᠢ ᠡᠷᠭᠦᠵᠦ | ᠲᠠᠪᠴᠢᠭᠤ ᠴᠠᠭ ᠤᠨ ᠵᠢᠷᠤᠮᠲᠤ ᠡᠭᠡᠰᠢᠭᠯᠡᠩ ᠢ | ᠵᠠᠭᠤᠨ ᠳᠠᠮᠵᠢᠲᠠᠯᠠ ᠪᠢᠴᠢᠭᠯᠡᠭᠰᠡᠨ ᠁ | | | | |