| ᠴᠠᠬᠢᠯᠭᠠᠨ ᠱᠠᠳᠤ ᠶᠢᠨ ᠠᠳᠡᠯ | ᠴᠠᠬᠢᠯᠭᠠᠨ ᠱᠠᠳᠤ ᠶᠢᠨ ᠠᠳᠡᠯ ᠬᠡᠳᠡᠭ ᠨᠢ ᠳᠤᠨᠤᠭ ᠳᠦᠬᠦᠬᠡᠷᠦᠮᠵᠢ ᠪᠤᠶᠤ ᠬᠦᠮᠦᠨ ᠤ ᠰᠢᠯᠳᠠᠭᠠᠨ ᠠᠴᠠ | ᠪᠤᠯᠵᠤ ᠠᠶᠠᠨᠴᠢᠳ ᠬᠠᠰᠢᠭᠳᠠᠬᠤ ᠪᠤᠶᠤ ᠰᠢᠷᠬᠠᠳᠤᠬᠤ ᠵᠡᠷᠬᠡ ᠶᠢ ᠬᠡᠯᠡᠵᠦ ᠪᠤᠢ᠃ ᠴᠠᠬᠢᠯᠭᠠᠨ ᠱᠠᠳᠤ ᠶᠢᠨ ᠠᠳᠡᠯ ᠨᠢ | ᠭᠤᠤᠯᠳᠠᠭᠤ ᠤᠷᠤᠢ ᠪᠠᠨ ᠮᠦᠷᠬᠦᠬᠦ᠂ ᠭᠠᠵᠠᠷ ᠰᠢᠪᠳᠤ ᠪᠠᠭᠤᠬᠤ᠂ ᠬᠦᠮᠦᠨ ᠤᠶᠢᠴᠢᠬᠤ᠂ ᠰᠢᠬᠠᠯᠳᠤᠬᠤ᠂ | ᠬᠠᠰᠢᠶᠠᠰᠤ ᠨᠢ ᠪᠠᠯᠪᠠᠷᠠᠬᠤ ᠵᠡᠷᠬᠡ ᠪᠤᠯᠤᠨᠠ᠃ | ᠰᠡᠷᠬᠡᠶᠢᠯᠡᠬᠦ ᠭᠤᠤᠯᠳᠠᠯᠭᠠ | ● ︽ᠰᠡᠯᠪᠢᠵᠦ ᠪᠤᠢ︾᠂ ︽ᠬᠡᠮᠳᠦᠯ ᠲᠠᠢ︾ ᠬᠡᠬᠦ ᠳᠡᠮᠳᠡᠭ ᠡᠯᠬᠦᠭᠰᠡᠨ ᠡᠬᠦᠳᠡ ᠨᠢ ᠨᠡᠬᠡᠬᠡᠰᠦᠳᠠᠢ | ᠴᠠᠬᠢᠯᠭᠠᠨ ᠱᠠᠳᠤ ᠳᠤ ᠭᠠᠷᠴᠤ ᠪᠤᠯᠬᠤ ᠦᠬᠡᠢ᠃ | ● ᠡᠬᠦᠳᠡ ᠪᠠᠨ ᠬᠠᠭᠠᠬᠤ ᠬᠡᠵᠦ ᠪᠠᠶᠢᠭᠠ ᠴᠠᠬᠢᠯᠭᠠᠨ ᠱᠠᠳᠤᠨ ᠳᠤ ᠴᠢᠬᠢᠯᠳᠦᠨ ᠭᠠᠷᠴᠤ ᠪᠤᠯᠬᠤ ᠦᠬᠡᠢ᠂ | ᠬᠦᠯ ᠢᠶᠠᠨ ᠬᠠᠪᠴᠢᠭᠤᠯᠬᠤ ᠶᠢ ᠠᠩᠬᠠᠷᠤᠨᠠ᠃ | ● ᠴᠠᠬᠢᠯᠭᠠᠨ ᠱᠠᠳᠤ ᠠᠴᠠ ᠭᠠᠷᠬᠤ ᠳᠤ ᠪᠠᠨ ᠬᠦᠯ ᠳᠤᠤᠷᠠᠬᠢ ᠪᠠᠨ ᠰᠠᠶᠢᠳᠤᠷ ᠦᠵᠡᠵᠦ᠂ | ᠤᠶᠢᠴᠢᠬᠤ ᠶᠢ ᠰᠡᠷᠬᠡᠶᠢᠯᠡᠨᠡ᠃ | ᠠᠷᠭᠠᠴᠠᠭᠠᠬᠤ ᠭᠤᠤᠯᠳᠠᠯᠭᠠ | ● ᠴᠠᠬᠢᠯᠭᠠᠨ ᠱᠠᠲᠣᠨ ᠳᠤ ᠬᠠᠰᠢᠭᠳᠠᠪᠠᠯ ᠭᠠᠷ ᠤᠳᠠᠰᠤ᠂ ᠴᠠᠬᠢᠯᠭᠠᠨ ᠱᠠᠳᠤᠨ ᠳᠠᠬᠢ ᠳᠤᠬᠢᠶᠠᠨ | ᠬᠤᠩᠬᠤ᠂ ᠬᠠᠷᠢᠯᠴᠠᠭᠤᠷ ᠵᠡᠷᠬᠡ ᠪᠠᠷ ᠭᠠᠳᠠᠭᠰᠢ ᠠᠪᠤᠷᠠᠯᠳᠠ ᠬᠦᠰᠡᠬᠦ ᠴᠢᠮᠡᠭᠡ ᠦᠭᠬᠦ ᠬᠡᠷᠡᠭᠳᠠᠢ᠃ | ● ᠴᠠᠬᠢᠯᠭᠠᠨ ᠱᠠᠳᠤ ᠶᠢᠨ ᠡᠬᠦᠳᠡ ᠶᠢ ᠠᠯᠪᠠ ᠪᠠᠷ ᠨᠡᠬᠡᠬᠡᠵᠦ ᠳᠤᠳᠠᠭᠠᠵᠤ ᠪᠤᠯᠬᠤ ᠦᠬᠡᠢ᠃ | ● ᠴᠠᠬᠢᠯᠭᠠᠨ ᠱᠠᠳᠤ ᠰᠠᠨᠠᠮᠰᠠᠷ ᠦᠬᠡᠢ ᠳᠦᠷᠬᠡᠨ ᠭᠤᠯᠭᠤᠷᠢᠬᠤ ᠦᠶᠡᠰ ᠬᠠᠵᠠᠭᠤ ᠶᠢᠨ ᠠᠳᠬᠤᠵᠤ | ᠪᠤᠯᠤᠮᠠᠷ ᠭᠠᠵᠠᠷ ᠠᠴᠠ ᠴᠢᠩᠭᠠ ᠠᠳᠬᠤᠵᠤ᠂ ᠬᠠᠭᠠᠰ ᠰᠦᠬᠦᠳᠬᠦ ᠬᠡᠯᠪᠡᠷᠢ ᠪᠠᠷ ᠰᠢᠷᠬᠠᠳᠤᠯ ᠢ ᠰᠡᠷᠬᠡᠶᠢᠯᠡᠨᠡ᠃ | ᠴᠠᠬᠢᠯᠭᠠᠨ ᠤ ᠠᠳᠡᠯ | ᠬᠦᠮᠦᠰ ᠴᠠᠬᠢᠯᠭᠠᠨ ᠲᠠᠢ ᠵᠤᠯᠭᠠᠯᠴᠠᠵᠤ ᠰᠢᠷᠬᠠᠳᠤᠵᠤ ᠬᠡᠮᠳᠦᠬᠦ ᠠᠳᠡᠯ ᠢ ᠬᠡᠯᠡᠵᠦ ᠪᠤᠢ᠃ ᠭᠤᠤᠯᠳᠠᠭᠤ | ᠬᠡᠥᠷᠰᠢᠵᠤ ᠰᠢᠷᠬᠠᠳᠤᠬᠤ᠂ ᠪᠤᠯᠴᠢᠩ ᠳᠠᠳᠠᠯᠳᠤᠬᠤ ᠵᠡᠷᠬᠡ ᠶᠢᠨ ᠨᠦᠯᠦᠬᠡᠯᠡᠯ ᠢᠶᠠᠷ ᠵᠢᠷᠦᠬᠡ᠂ ᠠᠮᠢᠰᠬᠤᠯ᠂ | ᠰᠤᠳᠠᠯ ᠤᠨ ᠯᠤᠭᠰᠢᠯᠳᠠ ᠵᠤᠭᠰᠤᠬᠤ ᠵᠡᠷᠬᠡ ᠢᠯᠡᠷᠡᠯ ᠭᠠᠷᠳᠠᠭ᠃ | ᠰᠡᠷᠬᠡᠶᠢᠯᠡᠬᠦ ᠭᠤᠤᠯᠳᠠᠯᠭᠠ | ● ᠬᠡᠥᠬᠡᠳ ᠴᠠᠬᠢᠯᠭᠠᠨ ᠤᠳᠠᠰᠤ᠂ ᠳ᠋ᠧᠩ᠂ ᠴᠠᠬᠢᠯᠭᠠᠨ ᠤ ᠬᠠᠭᠠᠯᠳᠠ᠂ ᠵᠠᠯᠭᠠᠭᠤᠷ ᠵᠡᠷᠬᠡ ᠪᠠᠷ | ᠨᠠᠭᠠᠳᠬᠤ ᠶᠢ ᠬᠡᠷᠰᠡᠥᠯᠡᠨ ᠰᠤᠷᠭᠠᠨᠠ᠃ ᠴᠠᠬᠢᠯᠭᠠᠨ ᠳᠦᠬᠦᠬᠡᠷᠦᠮᠵᠢ ᠶᠢᠨ ᠬᠠᠪᠢ ᠪᠠᠷ ᠨᠠᠭᠠᠳᠴᠤ ᠳᠤᠭᠯᠠᠬᠤ᠂ | ᠴᠠᠬᠢᠯᠭᠠᠨ ᠤᠳᠠᠰᠤᠨ ᠪᠠᠭᠠᠨᠠ ᠳᠤ ᠮᠠᠴᠤᠬᠤ ᠵᠡᠷᠬᠡ ᠶᠢ ᠠᠩᠬᠠᠷᠤᠨᠠ᠃ | ● ᠤᠯᠤᠰ ᠤᠨ ᠪᠠᠷᠢᠮᠵᠢᠶᠠ ᠳᠤ ᠨᠡᠶᠢᠴᠡᠭᠰᠡᠨ ᠬᠡᠷᠡᠴᠢ ᠪᠠᠷᠢᠮᠳᠠ ᠲᠠᠢ ᠴᠠᠬᠢᠯᠭᠠᠨ ᠬᠡᠷᠡᠭᠰᠡᠯ ᠢ ᠬᠤᠳᠠᠯᠳᠤᠨ | ᠠᠪᠬᠤ ᠬᠡᠷᠡᠭᠳᠠᠢ᠃ ᠴᠠᠬᠢᠯᠭᠠᠨ ᠳ᠋ᠧᠩ᠂ ᠬᠠᠭᠠᠯᠳᠠ᠂ ᠵᠠᠯᠭᠠᠭᠤᠷ ᠵᠡᠷᠬᠡ ᠶᠢ ᠭᠠᠷ ᠢᠶᠠᠷ ᠢᠶᠠᠨ ᠠᠳᠬᠤᠵᠤ ᠪᠤᠯᠬᠤ | ᠦᠬᠡᠢ᠃ ᠴᠠᠬᠢᠯᠭᠠᠨ ᠬᠡᠷᠡᠭᠰᠡᠯ ᠢ ᠰᠢᠯᠵᠢᠬᠦᠯᠬᠦ ᠳᠤ ᠪᠠᠨ ᠤᠷᠢᠳ ᠢᠶᠠᠷ ᠴᠠᠬᠢᠯᠭᠠᠨ ᠤᠳᠠᠰᠤ ᠶᠢ ᠨᠢ ᠰᠠᠯᠭᠠᠵᠤ | ᠳᠠᠷᠠᠭᠠ ᠨᠢ ᠰᠢᠯᠵᠢᠬᠦᠯᠬᠦ ᠬᠡᠷᠡᠭᠳᠠᠢ᠃ | ● ᠡᠷᠦᠬᠡ ᠳᠤ ᠤᠷᠤᠭᠰᠠᠨ ᠴᠠᠬᠢᠯᠭᠠᠨ ᠪᠠᠭᠠᠨᠠ ᠶᠢᠨ ᠬᠠᠵᠠᠭᠤ ᠠᠴᠠ ᠰᠢᠷᠤᠢ ᠠᠪᠴᠤ ᠪᠤᠯᠬᠤ ᠦᠬᠡᠢ᠃ | | ● ᠴᠠᠬᠢᠯᠭᠠᠨ ᠤᠳᠠᠰᠤ ᠳᠠᠰᠤᠷᠠᠨ ᠭᠠᠵᠠᠷ ᠤᠨᠠᠭᠰᠠᠨ ᠪᠤᠯ ᠳᠠᠷᠦ᠋ᠢᠬᠠᠨ ᠴᠠᠬᠢᠯᠭᠠᠨ ᠤ | ᠬᠠᠮᠢᠶᠠᠷᠤᠯᠳᠠ ᠶᠢᠨ ᠰᠠᠯᠠᠭᠠ ᠮᠦᠴᠢᠷ ᠲᠤ ᠮᠡᠳᠡᠬᠦᠯᠬᠦ ᠬᠡᠷᠡᠭᠳᠠᠢ᠃ ᠬᠠᠷᠢᠨ ᠤᠶᠢᠷᠠᠳᠤᠨ ᠤᠴᠢᠵᠤ ᠪᠤᠯᠬᠤ ᠦᠬᠡᠢ᠃ | | ● ᠪᠠᠷᠢᠯᠭᠠ ᠬᠢᠬᠦ᠂ ᠡᠳ᠋ ᠪᠤᠳᠠᠰ ᠵᠦᠬᠡᠬᠡᠪᠦᠷᠢᠯᠡᠬᠦ ᠳᠤ ᠪᠠᠨ ᠦᠨᠳᠦᠷ ᠬᠦᠴᠦᠳᠡᠯᠳᠦ ᠴᠠᠬᠢᠯᠭᠠᠨ ᠤ | ᠳᠦᠬᠦᠬᠡᠷᠦᠮᠵᠢ ᠠᠴᠠ ᠠᠶᠦᠯᠬᠦᠢ ᠵᠠᠢ ᠲᠠᠢ ᠪᠠᠶᠢᠬᠤ ᠶᠢ ᠪᠠᠳᠤᠯᠠᠬᠤ ᠬᠡᠷᠡᠭᠳᠠᠢ᠃ | ᠠᠷᠭᠠᠴᠠᠭᠠᠬᠤ ᠭᠤᠤᠯᠳᠠᠯᠭᠠ | ● ᠴᠠᠬᠢᠯᠭᠠᠨ ᠳᠤ ᠳᠠᠭᠠᠷᠢᠭᠳᠠᠭᠰᠠᠨ ᠬᠦᠮᠦᠨ ᠯᠦᠭᠡ ᠰᠢᠭᠤᠳ ᠭᠠᠷ ᠢᠶᠠᠷ ᠢᠶᠠᠨ ᠵᠤᠯᠭᠠᠯᠴᠠᠵᠤ ᠪᠤᠯᠬᠤ | ᠦᠬᠡᠢ᠃ | ● ᠴᠠᠬᠢᠯᠭᠠᠨ ᠳᠤ ᠳᠠᠭᠠᠷᠢᠭᠳᠠᠭᠰᠠᠨ ᠬᠦᠮᠦᠰ ᠢ ᠤᠯᠵᠤ ᠦᠵᠡᠪᠡᠯ ᠬᠦᠨᠳᠡᠶᠢᠷᠡᠬᠦᠯᠦᠭᠴᠢ ᠲᠠᠢ | ᠬᠠᠪᠴᠢᠭᠤᠷ᠂ ᠮᠤᠳᠤᠨ ᠡᠰᠢ ᠲᠠᠢ ᠰᠦᠬᠡ ᠵᠡᠷᠬᠡ ᠪᠠᠷ ᠴᠠᠬᠢᠯᠭᠠᠨ ᠤᠳᠠᠰᠤ ᠶᠢ ᠳᠠᠰᠤᠯᠠᠬᠤ ᠬᠡᠷᠡᠭᠳᠠᠢ᠃ ᠬᠠᠭᠤᠷᠠᠢ | ᠬᠤᠪᠴᠠᠰᠤ ᠵᠡᠷᠬᠡ ᠪᠠᠷ ᠭᠠᠷ ᠢᠶᠠᠨ ᠤᠷᠢᠶᠠᠨ ᠴᠠᠬᠢᠯᠭᠠᠨ ᠳᠤ ᠳᠠᠭᠠᠷᠢᠭᠳᠠᠭᠰᠠᠳ ᠢ ᠰᠢᠯᠵᠢᠬᠦᠯᠦᠨᠡ᠃ ᠦᠨᠳᠦᠷ | ᠬᠦᠴᠦᠳᠡᠯᠳᠦ ᠴᠠᠬᠢᠯᠭᠠᠨ ᠳᠤ ᠳᠠᠭᠠᠷᠢᠭᠳᠠᠭᠰᠠᠳ ᠢ ᠳᠠᠷᠦ᠋ᠢᠬᠠᠨ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷ ᠲᠤ | ᠮᠡᠳᠡᠬᠦᠯᠦᠨᠡ᠃ | ● ᠴᠠᠬᠢᠯᠭᠠᠨ ᠳᠤ ᠳᠠᠭᠠᠷᠢᠭᠳᠠᠭᠰᠠᠳ ᠢ ᠴᠠᠬᠢᠯᠭᠠᠨ ᠠᠴᠠ ᠰᠠᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠰᠢᠷᠬᠠ ᠨᠢ ᠬᠦᠨᠳᠦ | ᠪᠢᠰᠢ ᠪᠤᠯ ᠨᠠᠮ ᠰᠡᠯᠡᠬᠦᠤ ᠠᠮᠠᠷᠠᠭᠤᠯᠵᠤ᠂ 1 — 2 ᠴᠠᠭ ᠠᠵᠢᠭᠯᠠᠨ ᠪᠠᠶᠢᠴᠠᠭᠠᠨᠠ᠃ ᠶᠠᠮᠠᠷ ᠴᠦ ᠪᠠᠶᠢᠳᠠᠯ | ᠮᠡᠳᠡᠭᠳᠡᠬᠦ ᠦᠬᠡᠢ ᠪᠤᠯ ᠳᠤᠪᠴᠢ ᠪᠦᠰᠡ ᠶᠢ ᠨᠢ ᠠᠯᠳᠠᠷᠭᠠᠵᠤ ᠠᠭᠤᠵᠢᠮ ᠠᠮᠢᠰᠬᠤᠭᠤᠯᠤᠨᠠ᠃ ᠠᠮᠢᠰᠬᠤᠯ ᠦᠬᠡᠢ | ᠪᠤᠶᠤ ᠨᠠᠮᠵᠢᠭᠤᠨ ᠰᠤᠳᠠᠯ ᠨᠢ ᠴᠤᠬᠢᠯᠠᠬᠤ ᠦᠬᠡᠢ ᠪᠠᠶᠢᠪᠠᠯ ᠳᠠᠷᠦ᠋ᠢᠬᠠᠨ ᠬᠦᠮᠦᠨ ᠤ ᠬᠦᠴᠦ ᠪᠠᠷ ᠠᠮᠢᠰᠬᠤᠭᠤᠯᠵᠤ | ᠴᠡᠬᠡᠵᠢᠨ ᠳᠡᠬᠡᠷᠡ ᠨᠢ ᠵᠢᠷᠦᠬᠡᠨ ᠳᠠᠷᠤᠯᠳᠠ ᠬᠢᠨᠡ᠃ | ● ᠴᠠᠬᠢᠯᠭᠠᠨ ᠳᠦᠬᠦᠬᠡᠷᠦᠮᠵᠢ ᠠᠴᠠ ᠭᠠᠯ ᠭᠠᠷᠪᠠᠯ ᠴᠠᠬᠢᠯᠭᠠᠨ ᠵᠠᠯᠭᠠᠭᠤᠷ ᠢ ᠳᠠᠷᠦ᠋ᠢᠬᠠᠨ ᠳᠠᠰᠤᠯᠵᠤ᠂ | ᠤᠰᠤ ᠪᠠᠷ ᠭᠠᠯ ᠢ ᠨᠢ ᠤᠨᠳᠠᠷᠠᠭᠠᠵᠤ ᠪᠤᠯᠬᠤ ᠦᠬᠡᠢ᠃ | |